Ouwehands Dierenpark

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kebon raja Ouwehands

Ouwehands Dierenpark iku siji kebon raja ing Rhenen, provinsi Utrecht, Walanda sing diadegaké ing taun 1932. Kebon raja iki ambané 22 hèktar.

Sajarah[besut | besut sumber]

Cor Ouwehand, pangadeg kebon raja iki, teka saka Rotterdam menyang Rhenen kanggo mbangun pabrik rokok. Nanging dhèwèké ora nerusaké lan banjur miwiti ternak pitik ras ing taun 1919. Nalika iku akèh tani sing nekani paternakané kanggo ndelengi kéwan-kéwan liya sing ana ing kéné kaya ta rakun, merak lan pitik alas.

Ing dasawarsa 1930-an paternakané ora patiya ngasilaké bathi akèh. Banjur awaké mungkasi paternakané lan digawé dadi kebon raja. Sadurungé iku Ouwehand nekani akèh kebon raja sa-Eropah kanggo ndeleng kepriyé apiké ngurusi kebon raja. Kebon raja Ouwehands banjur dibuka tanggal 18 Juni 1932.