Tirto Utomo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gambar Tirto Utomo

Tirto Utomo utawa Kwa Sien Biauw (lair ing Wonosobo, 9 Maret 1930-séda 16 Maret 1994) ya iku pangusaha Indonésia.[1] Lulusan saka Fakultas Hukum Universitas Indonésia iki uga misuwur mawa wong kang ngadhegake Aqua Golden Missipi ing taun 1973.[1] Kajaba iku, dhèwèké uga tau dadi pangurus Persatuan Bukutangkis Seluruh Indonésia (PBSI).[1] Tanggal 16 Maret 1994, dhèwèké séda lan dikuburake ing kuburan kulawarga Tionghoa cedhaké Hotèl Kresna, Wonosobo.[1]

Biografi[besut | besut sumber]

Sawisé lulus SMP, Tirto Utomo nerusaké sekolah menyang HBS (sekolah satingkat SMA ing jaman Hindia Walanda) ing Semarang banjur ing SMAK St. Albertus, Malang.[2] Banjur kuliah ing Universitas Gajah Mada suwéné 2 tahum, nanging akhire Tirto pindah menyang Fakultas Hukum Universitas Indonésia.[2] Ing Jakarta karo kuliah dhèwèké keja dadi pemimpin redaksi kalawarti Sin Po lan majalah Pantja Warna.[2]

Tahun 1959, dhèwèké madeg saka pemimpin redaksi Sin Po. Mulane ékonomi ing kulawarga dadi ora cetha.[2] Nanging, amarga kaanan iku Tirto Utomo duwé kapengenan gedhé supanya gelis ngrampungaké kuliahe ing Fakultas Hukum UI.[2]

Sawisé lulus, Tirto Utomo ngajukake surat lamaran kerja menyang Permina (Persahaan Minyak Nasional) kang dadi cikal bakal Pertamina.[2] Sawisé ditamp, dhèwèké tinanggenah ing Pangkalan Brandan.[2] Ing kana, kabutuhan adhus isih nganggo banyu kali.[2] Amerga ulete, Tirto Utomo akhire karire san saya dhuwur lan dipercaya dadi pandega ing pemasaran.[2] Nanging rikala umuré 48 taun, Tirto Utomo milih pensiun gasik kanggo ngurusi prusahaan duwéke dhéwé Aqua, PT. Baja Putih lan Restoran Oasis.[2]

Aqua diadhegake nganggo modal bareng bojone adine Slamet Utomo, gedhene Rp 150 juta.[2] Dhèwèké ngadheake pabrik ing Bekasi taun 1973 mawa jeneng PT.[2] Golden Mississippi lan merek produksi Aqua.[2] Cacahe karyawan ana 38 wong.[2] Dhèwèké nggawe sumur ing pabrik kapisan kang dibangun ing tanah kang ambané 7.110 m2 ing Bekasi.[2] Sawisé kerja suwéné setahun produk kapisan Aqua dientokake 1 Oktober 1974.[2]

Salah sijiné pelanggan Aqua ya iku kontraktor pambangunan jalan tol Jagorawi, Hyundai.[2] Saka insinyur Koréa Kidul iku, kabiasaan ngombé banyu mineral uga nular ing kanca kerja asli pribumi.[2] Saka iku, alon-alon AMDK bisa ditampa déning masarakat.[2]

Saiki, Kulawarga Tirto Utomo ora nyekel manèh saham mayoritas amarga wiwit taun 1996 prusahaan panganan saka Prancis nguwasani saham mayoritas.[2]

Cathetan suku[besut | besut sumber]

  1. a b c d Tirto Utomo Pendiri Aqua (dipunundhuh tanggal 14 Maret 2013)
  2. a b c d e f g h i j k l m n o p q r s t Tirto Utomo gagasan gila pembawa berkah (dipunundhuh tanggal 14 Maret 2013)