Tiramisu
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Tiramisù (Tiramesù) ya iku roti keju kang diwur-wuri bubuk kakao ing dhuwure.[1] Roti iku dadi panganan trakhir kang dipangan karo sendok, saéngga kelebu panganan "al cucchiaio" (karo sendok) Roti iki ora digawé saka adonan lan ora dipanggang.[1] Bahan kanggo nggawe ya iku biskuit kang wis dikum ing banyu kopi lan keju mascarpone.[1][2] Biskuit disusun lan dilapisi karo krim kocok sadurungé diademake ing njero lemari es supaya wujudé roti ora remuk rikala disugatake.[1][2] Sing dadi tandharoti iki ya iku tekstur roti kang lembut karo rasa kopi lan keju kang kuat.[2] Biskuit kang diarani biskuit Savoiardi, endhog pitik, gula, kopi lan bubuk kakao iku bahan utama kanggo resep tiramisu asli.[2] Miturut resep asline, roti iki wujudé bunder lan ora dicampuri ombenan kang ngandhut alkohol kaya déné rum, anggur, Marsaka utawa konyak amarga pisanane digawé kanggo bocah cilik lan wong tuwa.[2][3]
Sajarah
[besut | besut sumber]Asal-usul lan panggawe tiramisu kereb dadi bahan padudon, nanging dikira-kira dadi roti panemuan kang anyar.[3] Tiramisu ora mau ing njero literatur kuliner nganti taun 1983.[3] Ana ing buku La marca gastronomica kang diterbitake taun 1998, Fernando lan Tina Raris nulis yèn Tiramisu iku roti panemuan anyar.[3] Sanajan kaya ngono, wong kaloron iku ngarani yèn resep tiramisu arep padha karo resep roti sugatan pungkasan kang ana ing buku masak Yunani.[4] Saliyané iku, Fernando lan Tina Raris ngutip saka artikel kang nyebutake tiramisu diciptakake ing kutha Treviso rikala taun 1971.[4] Buku-buku kuliner, kalebu majalah kuliner Vin Veneto terbitan taun 1981, Giuseppe Maffioli lan Annibale Toffolo nyebutake ahli roti Roberto Linguanotto (Loly Linguanotto) saka restoran kang jenenge "Le Beccherie" ing Treviso mawa panemu tiramisu.[4] Cerita liya ngomongake roti iki asalé saka kutha Siena.[4] Ana uga ahli roti liyané kang nyebutake tiramisu digawé kanggo ngurmati marang Cosimo III kang arep teka ing kutha Siena.[4]
Resep Tiramisu
[besut | besut sumber]Bahan-bahan
[besut | besut sumber]- 3 kuning endhog[5][6]
- 2 sendhok gula pasir[5][6]
- 100 ml liquer rasa kopi[5][6]
- 2 sendhok gula bubuk[5][6]
- 250 g keju mascarpone [5][6]
- 250 ml krim kenthel[5][6]
- 200 ml kopi espresso encer [5][6]
- 100 ml banyu[5][6]
- 150 g biskuit [5][6]
- 2 sdt cokelat bubuk[5][6]
Gambar bahan-bahan Tiramisu
[besut | besut sumber]-
Kuning endhog -
Gula Pasir -
Gula bubuk -
Kopi espresso encer -
Krim roti -
Banyu -
Biskuit -
coklat bubuk -
Keju
Cara Nggawe
[besut | besut sumber]- Kuninge endhog lan gula ditim karo diudheg nganggo mixer nganti ngembang lan wernane maleh pucet.[5][6] Tambahake ½ pérangan liquer diudheg nganti rata banjur dientas lan diademake.[5][6]
- Gula lan keju dikocok nganggo mixer nganti lembut.[5][6]
- Krim kenthel dikocok nganggo mixer nganti kaku. Adonan kuning endhog lan adonan keju dilebokake banjur diudheg nganti rata.[5][6]
- Turahan liquer mau diudheg barung kopi encer. Biskuit dikum ana jerone nganti empuk.[5][6]
- Sendhokake adonan keju lan biskuit gentenan ing gelas.[5][6] Dipungkasi karoo lapisan keju. Gelas ditutup karo plastik.[5][6] Ademake ing lemari es nganti arep disugatake.[5][6]
- Wur-wuri coklat bubuk ing dhuwur tiramisu mau.[5][6]
Gambar Tiramisu kang wis dadi
[besut | besut sumber]
Cathetan suku
[besut | besut sumber]- ↑ a b c d ngobrolin Tiramisu (dipunundhuh tanggal 3 Januari 2013)
- ↑ a b c d e Tiramisu Archived 2012-07-30 at the Wayback Machine. (dipunundhuh tanggal 3 Januari 2013)
- ↑ a b c d Sejarah Tiramisu (dipunundhuh tanggal 3 Januari 2013)
- ↑ a b c d e Tiramisu Cake Archived 2013-01-19 at the Wayback Machine. (dipunundhuh tanggal 3 Januari 2013)
- ↑ a b c d e f g h i j k l m n o p q r s Resep Tiramisu (dipunundhuh tanggal 3 Januari 2013)
- ↑ a b c d e f g h i j k l m n o p q r s Tiramisu Italia (dipunundhuh tanggal 3 Januari 2013)