Teppanyaki

Saka Wikipédia Jawa, bauwarna bébas abasa Jawa

Teppanyaki (鉄板焼き? panggang plat wesi) ya iku sawijining cara masak panganan Jepang ing sandhuwure plat wesi (teppan). Saliyané iku, teppanyaki uga bisa ditegesi minangka omah makan Jepang kang nyedhiyani panggonan lan meja wujudé kounter, déné plat wesi dianggo juru masak kanggo masak panganan. Plat wesi kang dianggo minangka piranti masak iku kandhele watara 0,3 cm tekan 1,5 cm. Ing ngisor plat wesi ana kompor gas kang ana pirantine kanggo ngatur gedhé cilikke geni. Masakan kang dimasak ing ndhuwur teppan, tuladhané steak, okonomiyaki, monjayaki, yakisoba, lan sapérangan jinis masakan saka janganan, daging, utawa panganan laut.

Kandhele plat wesi[besut | besut sumber]

Kandhele plat wesi adhedhasar jinis panganan kang pengin digawe. Okonomiyaki kang mbutuhake wektu masak luwih suwé mbutuhake plat wesi kang luwih kandhel. Déné plat kang tipis dianggo numis janganan kaya ta kul lan tauge nganggo geni gedhé lan wektu kang sadhéla. Kuli yasan kerep migunakaké turahan tugelan plat wesi bekas yasan kanggo masak teppanyaki. Sadurunge kanggo masak, plat wesi kusu dikumbah resik lan digosok nganti lunyu. Sawisé resik, plat wesi dipanasi lan dilap nganggo anduk nganti garing.