Tapir Asia

Saka Wikipédia Jawa, bauwarna bébas abasa Jawa
Tapir Asia
Tapir Asia ing Kebon Raja London
Status konsèrvasi
Klasifikasi èlmiah
Krajan: Animalia
Filum: Chordata
Kelas: Mammalia
Ordo: Perissodactyla
Kulawarga: Tapiridae
Marga: Tapirus
Jinis: T. indicus
Jeneng binomial
Tapirus indicus
(Desmarest, 1819)

Tapir Asia (Tapirus indicus) punika kalebet salah setunggaling jinis tapir.[1] Asia punika jinis tapir ingkang paling ageng menawi kabandingaken kaliyan jinis tapir sanésipun.[2] Tapir Asia punika dados setunggal-setunggaling tapir ingkang asalipun saking Asia.[2] Tapir Asia nggadhahi nama ilmiah inggih punika indicus.[2] Tembung punika wonten gandhéng cénéngipun kaliyan tembung Hindia Timur inggih punika habitat alami tapir Asia.[2] Wonten ing Sumatra tapir umumipun dipunwastani tenuk or seladang, gindol, babi alu, kuda ayer, kuda rimbu, kuda arau, marba, cipan, saha sipan.[2] Tapir Asia gampil dipuntiteni saking cirinipun ingkang arupi "pelana" werninipun padhang saka bahu ngantos awak bagéyan wingking.[2] Wulunipun ing bagéyan sanés awerni cemeng kejawi wonten ing pucuk talinganipun ingkang awarni pethak.[2] Pola werni punika dipunginakaken tapir Asia kanggé kamuflase.[2] Nalia lagi turu, mungsuhipun tapir punika bakal nginten menawi tapir Asia punika watu ingkang ageng saéngga boten dipunmangsa.[2] Tapir Asia tuwuh ngantos ukuran 1,8 sampai 2,4 m saha 8 kaki, nginggilipun 90 nganti 107 cm (3 ngantos 3,5 kaki).[2] Tapir Asia punika awratipun 250 ngantos 320 kg utawi 550 saha 700 pon.[2] Awratipun tapir Asia punika saged ngantos dumugi 500 kg (1.100 pon).[1] Tapir Asia wadon limrahipun langkung ageng tinimbang tapir jaler.[2] Kadosta jinis tapir sanésipun, Tapir Asia punika nggadhahi buntut cendhak lemu.[2] Wonten ing sikil ngajengipun wonten kuku ingkang cacahipun sekawan kuku déné wonten ing sikil ingkang wingking wonten kuku ingkang cacahipun tiga.[2] Indra kanggé mirsani radi boten saé, ananging tapir Asia nggadhahi indra kanggé mirengaken saha mangertosi gandanipun barang-barang kanthi saé.[2]

Cathetan suku[besut | besut sumber]

  1. ^ a b (en)Tapir tapirback.com(dipunundhuh tanggal 5 Oktober 2011)
  2. ^ a b c d e f g h i j k l m n o (id)harapanrainforest.org(dipunundhuh tanggak 5 Oktober 2011)


Sumber artikel punika saking kaca situs web: "https://jv.wikipedia.org/w/index.php?title=Tapir_Asia&oldid=1089786"