Takengon
| Takengon | |
|---|---|
| Nagara | Indonésia |
| Provinsi | Acèh |
| Kabupatèn | Acèh Tengah |
| Élepasi | 1.200 m (3,900 ft) |
| Zona wektu | WIB (UTC+7) |
| Kode Pos | 24500 |
| Kodhe laladan | 0643 |
| Situs wèb | http://www.acehtengahkab.go.id |
Takengon inggih punika salah satunggalipun kitha ing Kabupatèn Acèh Tengah. Kutha kasebat inggih punika punjeripun (kutha krajan) Kabupatèn Acèh Tengah ingkang dunungipun ing dhataran inggil Gayo ingkang gadhah hawa ingkang resik lan gadhah kaèndahan alam ingkang saé.[1]
Asil bumi lan kaèndahan alam ing Kutha Takengon saged narik kawigatén para wisatawan dhoméstik lan manca nagari ingkang tindak dhateng Kutha Takengon, tindak plesir lan nyipeng ing Tlaga Laut Tawar.[2] Sasanèsipun papan pariwisata Tlaga Laut Tawar, ing Kutha Takengon wonten ugi papan wisata sanèsipun, kados Gowa Puteri Pukes, Pantang Terong, Papan Adus-adusan Toya Bentér Wih Pesam, Bukit Terong (pucuk Khafi), Gowa Loyang Koro, Sagara Menye, Sagara Ketibung, lan Monumen Pacuan Kuda Tradisional.[2] Paling boten, wonten 20 papan pariwisata ingkang wonten ing Kutha Takengon.[2] Mligi bab pacuan jaran, tiyang ingkang dados jokinipun limrahipun taksih umur laré sekolah.[2] Joki punika kanthi alami dados joki ingkang terampil lan boten ajrih nitih jaran boten mawi pelana, lan namung nganggé kaus lan clana cekak kémawon.[2]
Padunungipun Kutha Takengon kathahipun punika saking Suku Gayo.[2] Suku Gayo kalebet katurunan saking Suku Batak Karo ing Sumatra Lèr.[2] Basa laladanipun ugi bénten kaliyan basa laladan sing ndunungi Acèh limrahipun.[2]
Cathetan suku
[besut | besut sumber]Pranala njawi
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |