Tahu Sumedang
Tahu Sumedhang ya iku tahu kas kang asalé saka laladan Sumedang, Jawa Kulon.[1] Tahu iki digawé saka kréativitas bojoné Ongkino.[1] Wong wadon iki kang duwé pamikiran kang sepisanan kanggo nggawé Tou Fu (saka basa Tionghoa, Hokkian "tau hu", kang tegesé padha.[1] Jeneng iki banjur owah dadi tahu.[1]
Taun ganti taun, Ongkino lan bojoné terus nggawé lan dadi pengusaha tahu sumedhang.[1] Ing taun 1917 anak tunggal Ongkino kang jenengé Ong Bung Keng nyusul wong tuwané ing Sumedhang.[1] Keng banjur nutugaké usaha tahu sumedhang iki.[1] Keng nutugaké pangudiné wong tuwané nganti umur 92 taun sadurungé dhèwèké mati.[1] Tahu sumedhang kang wis misuwur nganti saiki uga duwé carita mistik.[1] Carita iki dicaritaké Suryadi, dhèwèké putuné Ongkino.[1] Critané nalika taun 1928 panggonan usaha mbah buyuté iki ditekani Bupati Sumedhang kang jenengé Pangeran Soeria Atmadja kang lagi liwat nalika arep lunga menyang Situraja.[1] Ing carita iki Bupati Sumedhang numpak dhokar.[1]
Tahu kalebu panganan kang ngandhut protéin kang akèh amarga tahu digawé saka dhelè kuning kang ngandhut protéin nabati.[2] Protèin migunani kanggo nambah dhuwur ing awak mligi kanggo bocah-bocah.[2] Tahu sumedhang digawé saka dhelè.[2] Dhelè direndhem nganti mekar, banjur digiling karo banyu.[2] Saka dhelè kang digiling iki banjur diasilaké aci kang bakalé digodhog ing bak gedhé kanthi suhu kang dhuwur.[2] Asil godhogan aci banjur disaring lan direndhem ing bilang kang digawé saka cuka lan banyu.[2] Bilang kang wis digodhog banjur disèlèhaké kurang luwih limang menit.[2] Banyu sisa rendheman banjur dicidhuk lan dibuwang.[2] Olahan tahu banjur dicithak ing wadhah kang diarani papan lan dijarké pirang-pirang menit.[2] Olahan tahu kang wis dicithak banjur diiris lan direndhem ing bak gedhé kang isiné banyu uyah.[2] Sawisé iku tahu sumedhang siyap digoréng.[2]
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |