Slank

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Slank
Slank
Slank
Latar wuri
Jeneng lair Slank
Lair 1983
Indonésia Indonésia
Jinis Musik Rock, Blues
Pakaryan Band
Instrumen Gitar, Drum, Bass
Taun aktif 1983-sapunika
Parusahan rekaman Slank Records
Mrabawani marang BIP
Situs resmi http://www.slank.com
Anggota
Bimbim
Kaka
Ridho
Ivanka
Abdee Nagara
Mantan Anggota
Bongky
Parlin Burman/Pay
Indra Qadarsih
Reynold

Slank inggih punika satunggalipun grup musik ing Indonésia. Dipunwujudaken déning Bimbim nalika 26 Dhésèmber 1983 amargi bosen main musik namung dados cover band lan gadhah tekad badhé damel lagu piyambak.[1] Tekadipun punika saged kasil lan dados salah satunggalipun musisi ingkang gadhah sajarah lan dipunkenang sarta gadhah prabawa sepanjang masa ing Indonésia.[1] Sanèsipun punika Slank ugi nyepeng predikat Indonésia's Highest-Paid Music Star (bintang musik kanthi bayaran paling ageng) ing taun 2008 lan 2009 kanthi honor Rp 500 juta saben pentas.[1]

Karier[besut | besut sumber]

Cikal bakal lairipun Slank punika satunggalipun grup ingkang namanipun Cikini Stones Complex (CSC), ingkang dipundamel déning Bimo Setiawan Sidharta (Bimbim) nalika taun 1980-an.[2] Band punika namung mainaken lagu-lagu Rolling Stones lan boten purun mainaken lagu saking band sanèsipun, alhasil dados jenuh lan nalika meh taun 1983 grup punika dipunbibaraken.[2] Bimbim nglajengaken semangat main musik kaliyan kalih sadherekipun Denny lan Erwan kanthi damel grup Red Evil. Ing tanggal 26 Dhésèmber 1983, nami Red Evil dipun-gantos dados Slank.[3][4] Satunggalipun nami ingkang dipunpendhet saking timbalan cemoohan tiyang ingkang asring nyebat Bimbim lan kanca-kancanipun minangka cowok selengean.[2]

Saking wekdal punika karier Slank dipunwiwiti. Ing wekdal karier musikipun, Slank sampun ngalami manéka warni gantos manajer, lan sampun ngantos ping 15 gantos formasi, ngantos gantos vokalis èstri.[4] Kanthi personel tambahan Bongky (gitar) lan Kiki (gitar). Dalemipun Bimbim ing jalan Potlot 14 dados markas ageng lan dados situs wajib ingkang kedah dipundugeni déning Slanker.[2] Slank naté pentas ing kathah pentas kanthi lagu-lagu piyambak sadèrèngipun Erwan mutusaken mundhur amargi boten gadhah harapan ing Slank.[2] Kanthi perjuangan ingkang ageng saged kawujud formasi kaping 13, Bimbim, Kaka, Bongky, Pay, lan Indra, Slank nembé saged sengkut lan solid.[2]

Slankers[besut | besut sumber]

Slankers punika sesebatan kanggé para pandemen band Slank, mliginipun saking pandemen musik golonga pamudha.[5] Nami punika dipunripta déning personel Slank, Kaka.[5] Kawitanipun ngengge tembung Slanker, nanging salajengipun langkung misuwur kanthi nami Slankers.[5]

Cathetan suku[besut | besut sumber]

  1. a b c [1] dipunundhuh tanggal 29 Juli 2011)
  2. a b c d e f [2] dipunundhuh tanggal 29 Juli 2011)
  3. [3] dipunundhuh tanggal 29 Juli 2011)
  4. a b [4] dipunundhuh tanggal 5 Januari 2013)
  5. a b c Slank Fans Club dipunundhuh tanggal 5 Januari 2013)

Pranala njawi[besut | besut sumber]