Skala T

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Gedhéné lokomotif dipadhakaké karo driji

Skala T iku sawijing skala sepur modèl. Ukuraning skala ana 1:450. Ambané ril ana 3 mm lan iki nglambangaké sepur standar 1435 mm. Skala iki diprodhuksi déning Eishindo, sawijining produsèn Jepang lan ditepungaké marang konsumèn ing Tokyo Toy Show taun 2006. Banjur produké iki didol taun 2007. Nganti sepréné iki sepur modèl cilik dhéwé kang didol kanthi komèrsial. Wiwit taun 2009, Railway Shop (Hong Kong) iku siji-sijiné kang produksi sepur modèl iki.

Aksara T iki cekakan saka tembung tiny kang tegesé cilik ing basa Inggris.

Sepur modèl ing skala T iki mlaku sadhuwuring ril lan digerakaké déning listrik kang teka saka trafo. Dayané maksimal 4,5 Volt DC. Supaya kontak listriké luwih apik, lokomotifé diwèhi rodha magnètis lan rilé digawé saka waja.

Sepur modèl ing skala T iku bisa dienggo karo montor maburan modèl lan lapangan montor mabur modèl ing skala 1:400 utawa 1:500. Eishindo dhéwé sajatiné nduwé rencana arep produksi montor mabur modèl sawetara saha aksèsoris liyané.

Gladri[besut | besut sumber]

Pranala njaba[besut | besut sumber]