S. Prasetyo Utomo

Saka Wikipédia Jawa, bauwarna mardika basa Jawa
Jump to navigation Jump to search
S. Prasetyo Utomo

Dr. S. Prasetyo Utomo (lair ing Yogyakarta, 7 Januari 1961; umur 57 taun) inggih punika salah satunggalipun sastrawan saking Indonésia. Piyambakipun ugi kacathet minangka dhosèn ing Universitas PGRI Semarang. Namanipun misuwur lumantar pakaryanipun awujud carita cekak, geguritan, lan éséi sastra ingkang dipunmot ing sawenèh ariwarta. Prasetyo Utomo kalebet salah satunggalipun sastrawan ingkang nyengkuyung adicara Sastra kontekstual ing Kutha Surakarta, sesarengan Eko Tunas, Murtidjono, Ariel Heryanto, Halim HD, Arief Budiman, lan sanèsipun, dasawarsa 1980-an.[1][2] Awit saking kaprigelanipun, Prasetyo Utomo naté nampi bebungah awujud Anugerah Kabudayan 2007 saking Departemen Kabudayan lan Pariwisata lumantar carita cekak anggitanipun, Cermin Jiwa, ingkang dipunmot déning ariwarta Kompas, 12 Mèi 2007. Salajengipun, Badan Pambinaan lan Pangembangan Basa, Kementrian Pendhidhikan lan Kabudayan ugi maringi bebungah Acara Sastra taun 2015. Taun 2008, 2009, lan 2010, piyambakipun nampèni bebungah saking ariwarta Kompas, awit pakaryanipun mlebet wonten Cerpen Pilihan Kompas.

Latar wingking[besut | besut sumber]

Prasetyo Utomo lair ing Yogyakarta, surya 7 Januari 1961. Sarampungipun saking Universitas Negeri Semarang, piyambakipun miwiti pedamelan ing Universitas PGRI Semarang. Awit taun 1983, piyambakipun sampun miwiti pakaryanipun awujud carita cekak, geguritan, novèl, lan artikel ingkang dipunmot ing ariwarta lan kalawarta antawisipun Horison, Kompas, Jawa Pos, Suara Pembaruan, Republika, Koran Tempo, Media Indonesia, Bisnis Indonesia, Nova, Seputar Indonesia, Suara Karya, Mutiara, Pelita, Jayakarta, lan Ariwarta Noor.[3][4]

Pakaryan[besut | besut sumber]

  • Perdebatan Sastra Kontekstual (kempalan esei, 1985)
  • Antologi Puisi Jawa Tengah (kempalan geguritan, 1994)
  • Serayu (kempalan geguritan,1995)
  • Ritus (kempalan carita cekak,1995)
  • Lawang Sewoe (kempalan geguritan,1996)
  • Sesudah Layar Turun (kempalan geguritan1996)
  • Jentera Terkasa (kempalan geguritan1998)
  • Horison Sastra Indonesia 2 Kitab Cerpen (2002)
  • Cerita-cerita Pengantin (antologi carkak, 2004)
  • Bidadari Sigar Rasa (kempalan carita cekak, 2005)
  • Forum Sastra Indonesia Hari Ini: Jawa Tengah (2010).
  • Bidadari Meniti Pelangi (novèl, Penerbit Buku Kompas, 2005)
  • Tangis Rembulan di Hutan Berkabut (novèl, HO Publishing, 2009)[5]
  • Jogèd Dua Wajah[6]

Rujukan[besut | besut sumber]

  1. Alvabet S Prasetyo Utomo, kapundhut 19 Fèbruari 2017
  2. Sastra Indonesia S Prasetyo Utomo, kapundhut 19 Fèbruari 2017
  3. Good Reads Cerpen Pilihan Kompas, kapundhut 19 Fèbruari 2017
  4. Good Reads Cerpen Pilihan Kompas, kapundhut 19 Fèbruari 2017
  5. Good Reads Tangis Rembulan di Hutan Berkabut, kapundhut 19 Fèbruari 2017
  6. Good Reads Tarian Dua Wajah, kapundhut 19 Fèbruari 2017