Sōmen

Saka Wikipédia Jawa, bauwarna mardika basa Jawa
Sōmen garing

Sōmen (素麺 atau そうめん?) ya iku mi Jepang kang alus lan tipis lan mesthi didol garing. Sōmen digawé saka glepung kang dicampur banyu, uyah, lan lenga klentik. Sōmen padatan disuguhake minangka panganan kanggo ngadhemake ing mangsa panas.

Adhedhasar saka cara nggawene, sōmen bisa diperang dadi rong jinis, ya iku sōmen gaweyan tangan lan sōmen gaweyane mesin. Adonan mi siji mbaka siji dijembreng nganggo tangan kanggo ngasilaké sōmen gaweyan tangan. Déné mesin rajangan dianggo nrajang adonan mi dadi sōmen gaweyan mesin. Kutha Sakurai ing Prefektur Nara sinebut-sebut minangka papan panggonan asalé sōmen.

Miturut Standar Pelabelan Kualitas dan Jinis Mi Kering kang ditokake Standar Pertanian Jepang (JAS), sōmen gaweyan tangan utawa gaweyan mesin, ukuran garis tengahe kudu sangisore 1,3 mm. Mi kang garis tengahe punjul saka 1,7 mm diarani udon, déné mi kang ukurane 1,3 mm-1,7 mm diarani hiyamugi.[1]

Sapérangan akèh produsen sōmen kang mereke kawentar dumunung ing Jepang sisih kulon. Merek sōmen tuwa dhéwé ing Jepang ya iku Miwa Sōmen saka kutha Sakurai, Perfektur Nara. Produsen sōmen merek Ibonoito dumunung ing kutha Tatsuno, Perfektur Hyogo.

Cathetan suku[besut | besut sumber]

  1. "Kanmenrui hinshitsu hyōji kijun" (PDF). Kementerian Pertanian, Kehutanan, dan Perikanan Jepang. Diarsip saka sing asli (PDF) ing 2010-10-08. Dibukak ing 2011-08-25. {{cite web}}: Unknown parameter |accessdaymonth= ignored (pitulung); Unknown parameter |accessyear= ignored (|access-date= suggested) (pitulung)