Retina

Saka Wikipédia Jawa, bauwarna mardika basa Jawa
Jump to navigation Jump to search

Retina iku selapis tipis sèl kang dumunung ing pérangan mburi bola mata vertebrata lan cephalopoda. Retina minangka pérangan mata kang ngowahi cahya dadi sinyal syaraf.

Retina duwé sèl fotoreseptor ("rods" lan "cones") kang nampa cahya. Sinyal kang diasilaké sabanjuré ngalami prosès rumit kang diayahi déning neuron retina kang liya, lan diowahi dadi potensi aksi ing sèl ganglion retina. Retina ora mung ndhetèksi cahya, nanging uga mainaké peran wigati sajeroning persepsi visual. Ing tahap embrio, retina lan syaraf optik tumuwuh minangka péranganing perkembangan njaba utek.

Struktur unik pambuluh getih ing retina wis kanggo idhèntifikasi biometrik.

Anatomi retina[besut | besut sumber]

Retina manungsa dumadi saka sepuluh lapis. Urutan lapisan-lapisan mau (arah kornea) ya iku:

  1. Retinal pigment epithelium (RPE)
  2. Lapisan fotoreseptor segmen njero lan njaba.(Rods/Cones)
  3. Membran limitans eksterna - Lapisan kang mbatesi pérangan njero fotoreseptor saka inti sèlé
  4. Lapisan njaba inti sèl fotoreseptor
  5. Lapisan njaba plexiformis - Ing pérangan makular, iki dikenal minangka "Lapisan serat Henle" (Fiber layer of Henle).
  6. Lapisan njero badan inti
  7. Lapisan njero plexiformis
  8. Lapisan sèl ganglion - Lapisan kang dumadi saka inti sèl ganglion lan minangka asal saka serat saraf optik.
  9. Lapisan serat saraf - Sing ngandhut akson - okson sèl ganglion kang lumaku nuju nervus opticus.
  10. Membran limitans interna - Papan sèl-sèl Műller manggon.

Struktur fisik retina manungsa[besut | besut sumber]

Struktur retina manungsa iku 72% kaya bola kanthi diameter watara 22 mm. Ing pérangan tengah retina ana cakram optik, kang dikenal minangka "titik wuta" (blind spot) amarga ora anané fotoreseptor ing tlatah iku. Cakram optik katon minangka area oval awarna putih ukuran 3 mm2.