Reca Buda ing Bamiyan

Saka Wikipédia Jawa, bauwarna bébas abasa Jawa
Sesawangan Budaya lan Peninggalan Arkéologi ing Lembah Bamiyan
Afghanistan Statua di Budda 1.jpg
Situs Warisan Donya UNESCO
Pernah Afganistan Edit this on Wikidata
Paugeran i, ii, iii, iv, vi.[1]
Rujukan 208
Koordhinat 34°49′55″N 67°49′36″E / 34.832041666667°N 67.826802777778°E / 34.832041666667; 67.826802777778
Prasasti 2003 (Sèsi Twenty seventh)
Ing Bebaya 2003-

Reca Buda ing Bamiyan punika reca ingkang jaman rumiyin jumeneng lan dipunukir ing sisih satunggalipun jurang ing lembah Bamiyan, ing tengahipun Afganistan. Punika inggih monumèn ingkang kasungsun saking kalih reca Buda. Dunungipun reca kirang langkung 230 km arah lor-kilèn saking Kabul ing 2500 mèter sanginggiling siti.[2] Katonipun kamungkinan ageng reca-reca dipundamel nalika abad kaping 5 utawi abad kaping 6 lan inggih punika aworan antawisipun gagrag klasik mawi Seni Buda-Yunani.[3]

Badan-badan utama dipuntatah kanthi langsung saking watu tebing, ananging detailnya dipundamel kanthi lendhut ingkang kacampur kaliyan damén lan dipunlapisi kanthi sajinis semen. Lapisan punika ingkang sapérangan ageng praktis sampun ical wiwit rumiyin, lajeng dipuncat saperlu mujudaken èksprèsi praupan, tangan lan lekukanlekukan jubah kanthi langkung jelas. Pérangan ngandhap tanga-tangan patung ugi kadamel saking campuran lendhut lan damen ingkang sami, déné dipunsengkuyung kaliyan kayu-kayu penopang. Dipunduga keras pérangan inggil praupan patung-patung dipundamel saking topeng-topeng kayu raksasa. Deretan bolongan ingkang saged dipuntingali ing photo minangka papan kanggé nyengkuyung steger kayu ingkang nyengkuyung lapisan semen njawi.

Sajarah[besut | besut sumber]

Patung Buda Bamiyan

Amargi dumunung ing Jalur Sutra ingkang ngubungaken Tiongkok lan India kaliyan "donya barat", Bamiyan ngrembaka dados pusat agama lan filsafat. Laladan punika ugi minangka situs sapérangan biara Buda. LAjeng laladan punika ugi wigati amargi minangka papan berpadunipun budaya Barat lan Timur kanggé nyiptakaken bentuk-bentuk énggal Seni Buda-Yunani. Laladan punika minangka salah satunggaling pusat Buda ingkang ageng wiwit abad ke-2 SM dumugi mlebetipun Islam ing lembah punika nalika abad ke-9.[4] Para bhiksu ing biara-biara (wiyara) dumunung minangka pertapa ing gua-gua alit ingkang dipundamel ing pinggir-pinggir tebing sedawa lembah Bamiyan. Kathah saking para biarawan punika natah patung-patung ing salebeting gua-guanipun. Kathah patung-patung Buda wonten ing posisi jumeneng lan lenggah ingkang ukuranipun manéka jinis kapanggih ngadhep jurang, gua punika inggih kathah ingkang dipunhias kaliyan para biksu kanthi fresco ingkang manéka warni. Kalih patung ingkang utama inggih punika Buda ingkang posenipun ngadeg ingkang ukuranipun 55 lan 37 mèter, tuladha-tuladhanipun patung buddha madeg ingkang dipuntatah lan ingkang langkung ageng wonten ing donya. kakalih patung punika minangka marka tanah budaya kanggé pinten-pinten taun lan situs punika malah ugi dipunsenaraikaken wonten ing Pratélan Situs Warisan Dunia déning UNESCO.[5]

Salah sawijining tiyang ingkang minangka peziarah Buddhis saking Tiongkok ingkang namanipun Hsüan-tsang (Xuanzang) nglewati tlatah punika kinten-kinten taun 630 lan nyerat bilih Bamiyan minangka salah sawijining pusat Buda ingkang ngrembaka "kanthi langkung saking sedasa biara lan langkung saking satunggal èwu bhiksu"[6], tiyang punika inggih nyerat bilih kakalih patung Buda punika "dipunhias kanthi emas lan watu permata mulia" (Wriggins, 1996). [7]

Bahan wewaosan[besut | besut sumber]

Cathetan suku[besut | besut sumber]