Pura Mangkunagaran

Pura Mangkunagaran
ꦦꦸꦫꦩꦁꦏꦸꦤꦒꦫꦤ꧀ Purå Mangkunagaran
Pendhapa Ageng Pura Mangkunagaran.
Tetélan pokok
Jinis	Kepangéranan
Cakrik yasan	Arsitèktur Jawa
Pernah	Kelurahan Keprabon, Kecamatan Banjarsari, Kota Surakarta, Jawa Tengah
Nagara	Indonésia
Diyasa kawit	1757
Owner	Kadipatèn Mangkunagaran
Rancangan lan yasan
Arsitèk	Mangkunagara I
Known for	Padaleman Adipati Mangkunagara
Website
mangkunegaran.com
Cagar budaya Indhonésia Puro Mangkunegaran
No. Regnas	CB.1240
No. SK	646/1-R/1/2013
Tanggal SK	2013
Tingkat SK	Wali Kota
Koordinat	7°33′58.77″S 110°49′22.78″E
Jeneng kang kapacak ing Sistem Registrasi Nasional Cagar Budaya

Pura Mangkunagaran (Carakan Jawa: ꦦꦸꦫꦩꦁꦏꦸꦤꦒꦫꦤ꧀) iku kedhaton resmi Kadipatèn Mangkunagaran lan uga minangka padalemaning para Adipati Mangkunagaran. Wewangunan iki kaprenah ing Kutha Surakarta. Kawitané wangunan iki minangka papan padunungané Patih Sindureja (Pepatih-Dalem Kasunanan Surakarta), nuli sawisé Prajanjian Salatiga taun 1757 kaparingaké marang Mangkunagara I banjur kayasa sarta kajembaraké kaya déné wangunan modhèl karaton.

Péranganing wangunan

Pamédan ing palataran ngarep iku minangka lapangan kanggo gladhèn para prajurit Mangkunagaran. Wangunan wujud bètèng kang ana ing sisih wétan pamédan yaiku Kavallerie Artillerie minangka markas Legiun Mangkunagaran.

Sawisé mlebu régol, banjur katon Pendhapa Ageng minangka wangunan inti Pura Mangkunagaran. Pendhapa iki bisa ngamot 5.000 - 10.000 wong, lan dadi salah sawijining pendhapa gedhé ing Indonésia. Cagak kayu wujud pasagi kang nyangga payon joglo kajupuk saka wit-witan Alas Kethu, Wanagiri. Sakabèhaning wangunan kayasa tanpa paku.

Warna paré anom (kuning lan ijo) iku minangka warna ciri khas kulawarga Mangkunagaran. Ing langit-langit payon pendhapa sinungging manéka gambar astrologi Hindhu-Jawa sarta rinenggan kalawan lampu antik kang kagawé saka wesi lan kuningan. Gamelan pusaka kang kasimpen ana sajroning pendhapa antarané yaiku Kyai Seton, Kyai Kanyut Mèsem, lan Lipur Sari.

Gladri

• 
  Palataran Pendhapa Ageng Pura Mangkunagaran
• 
  Dalem Pracimayasa
• 
  Gladhèn beksan putri ing Pendhapa Ageng
• 
  Taman Pracimayasa
• 
  Gambar ing payon langit-langit Pendhapa Ageng
• 
  Interior Dalem Pracimayasa
• 
  Lambang Praja Mangkunagaran kaapit malaékat gagrag Éropa
• 
  Pamédan
• 
  Gladri poto kulawarga Mangkunagaran
• 
  Pracima Tuin
• 
  Rerenggan wesi lan kuningan
• 
  Manéka warna astakarya ing Dalem Pracimayasa