Omah Joglo

Saka Wikipédia Jawa, bauwarna bébas abasa Jawa
Omah joglo ing Yogyakarta taun 1908
Omah Joglo ing TMII

Joglo iku salah siji wangun omah tradisional ing Jawa Tengah. Saliyané joglo ing Jawa Tengah uga ana wangun omah limas. Omah Joglo duwèni ciri kang khas ya iku payone kang dhuwur. Ing jaman saiki wis arang banget tinemu omah wangun joglo. Omah joglo kagolong kuna ing jaman saiki. Lumrahé omah joglo iku ana gebyogé kanggo pepaès. Omah Joglo dumadi saka rong pérangan utama ya iku Pendhapa lan dalem. Pérangan pendhapa arupa pérangan ngarep sing duwé ruangan jembar tanpa sekat-sekat, racaké dipigunakaké kanggo nampa tamu utawa ruang dolanan bocah-bocah lan papan kanggo santai kulawarga. Pérangan dalem minangka pérangan jero omah arupa ruangan kamar lan ruangan liya sing sipaté luwih pribadi. Ciri-ciri yasan joglo ya iku pérangan payon pendhapané dhuwur kaya gunung.

Jinis Variasi Bangunan Joglo[besut | besut sumber]

  1. Joglo limasan lawakan utawa “joglo lawakan”.
  2. Joglo Sinom
  3. Joglo Jompongan
  4. Joglo Pangrawit
  5. Joglo Mangkurat
  6. Joglo Hageng
  7. Joglo Semar Tinandhu

Uga delengen[besut | besut sumber]