Pendhapa

Saka Wikipédia Jawa, bauwarna bébas abasa Jawa
Gambar pendhapa
Payon pendhapa

Pendhapa iku pérangan yasan umah adat Jawa sing anané ing sisih paling ngarep. Bangunan iki racaké diarani pendhapa agung utawa pendhapa gedhé lan nduwé ukuran sing jembar banget, tanpa sekat, tanpa tembok utawa dinding uga tanpa lawang (pintu).

Pendhapa lumrahé diyasa nganggo gaya arsitèktur joglo trajumas.

Fungsi[besut | besut sumber]

Pendhapa nduwé fungsi kanggo nerima tamu-tamu agung, pertemuan-pertemuan resmi, kanggo pagelaran kesenian uga upacara adat.

Makna filosofi[besut | besut sumber]

Bangunan pendhapa iku ngandung makna sipat pradah, sipat iki antarané lapang dhadha, ramah tamah lan pemurah, uga mesthi bisa lan siyap nerima tamu. Makna liyané saka yasan iki ya iku momot utawa sanggup nampung apa waé uga termasuk sanggup nampung lan ngatasi kabèh masalah sing timbul.

Pendhapa modern[besut | besut sumber]

Bangunan pendhapa ing jaman saiki bisa tinemu ana ing komplek-komplek kraton, kantor utama pemerentah (neng Jawa Tengah, Yogyakarta lan Jawa Timur) upamané kantor Bupati utawa DPRD.