Pulo Sambu
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Koordhinat: 1°9′18.85″N 103°54′2.24″E / 1.1552361°N 103.9006222°E
Pulo Sambu inggih salah satunggaling pulo ing Indonésia ingkang letakipun caket kaliyan pulo Batam wonten ing Kapuloan Riau[1]. Pulo Sambu kalebet ing kacamatan Belakangpadang Batam, kalabet wewengkon pamarentahanipun provinsi Kapuloan Riau.[1] Pulo Sambu punika kalebet salah satunggaling pulo ingkang gadhah tambang lenga bumi ingkang ageng, pramila pulo sambu dados salah satunggaling pulo pemasok lenga bumi ingkang paling ageng.[1] Rumiyin pulo Sambu namung dipundadosaken wewengkon makarya PT. SHELL ingkang sapunika gantos nama dados PT. Pertamina.[1] Nanging sapunika sampun wonten pendhudhuk ingkang dumunung ing pulo punika.[1] Pulo Sambu sajatosipun gadhah aji-aji historis, cariyos historis kanggé bangsa Indonésia amargi wekdal rumyin pulo punika naté dados bètèng pertahananipun rakyat Indonésia saking Walanda nalika jaman penjajahan.[1]
Sajarah
[besut | besut sumber]Pulo Sambu inggih kalebet salah salah satunggaling kitha ingkang sampun dangu yuswanipun ing kapuloan Riau.[1] Miterat sajarahipun, Pulo Sambu panci sampun dipunangen-angen kala rumiyin dados terminal lenga PT. Pertamina wiwit taun 1897, mliginipun nalika tanggal 16 Agustus 1897.[2] Dados manawi dipunetang, yuswanipun Pulo Sambu sampun dumugi langkung saking 100 taun.[2] Minangka kitha ingkang sampun dangu yuswanipun, pulo Sambu gadhah daya pikat ingkang éndah saé kanggé para juru poto ing Kapuloan Riau.[1] Kathah arsitèktur ingkang saé ing pulo Sambu punika.[2]
Arsitektur
[besut | besut sumber]Ing Pulo Sambu kathah yasan ingkang unik amargi sampun dangu yuswanipun.[3] Wangunan-yasan tuwa ingkang wonten ing Pulo Sambu kala rumiyin dipunyasa déning PT. Pertamina.[3] Déné yasan-yasan ingkang madeg kados ta menara selamat datang ingkang dipunjangkepi kaliyan pernak-pernik jaran laut, wisma, Kantor Pos, gedung biyoskup, griya sakit Pertamina, saha wonten sapérangan prasasti telapak tangan para manager operasional Pertamina kanggé Pulau Sambu.[3] Wonten ing pulo Sambu ugi saged menangi wontenipun sapérangan bunker lenga gadhahipun PT. Pertamina.[3]
Wangunan Tua
[besut | besut sumber]Wonten ing Pulo Sambu, wonten satunggaling yasan ingkang dipunsebat Sambu Ria. Sambu ria punika kala rumiyin dipun-ginakaken kagge papan nggelar wayang gambar, utawi kados biyoskup kanthi layar tancep. Déné layar ingkang dipun-ginakaken wonten ing gedung punika inggih yasan tembokipun. Wonten ing ppan punika ugi asring dipun-ginakaken kanggé papan nggelar rapat koordinasi manawi badhé dipunadani latiyan gabungan penanggulangan lisah sesarengan kaliyan Singapura. Manawi sapunika, gedung Sambu Ria punika taksih dipun-ginakaken warga kanggé papan karaoke ing pungkasaning peken utawi dipun-ginakaken ugi kanggé papan resepsi nikahanipun warga Sambu. Kajawi wontenipun yasan Sambu Ria, ing Pulo Sambu punika ugi wonten tilaran sajarah kados makam Bugis. Makam Bugis punika wujudipun sampun usang, kucel sanget saha sampun dangu kawontenanipun. Makam Bugis punika dipundamel saking watu pualam, kados nisan ingkang wonten ing Pulo Penyengat Indera Sakti.