Plastida

Saka Wikipédia Jawa, bauwarna bébas abasa Jawa

Plastida iku organel sajeroning sèl tetanduran (sajeroning makna sing jembar, Viridoplantae). Organel iki paling dikenal ing wanguné sing paling umum, kloroplas, minangka papan lumakuné fotosintesis. Sajeroning kasunyatan, plastida dikenal ing manéka wangun:

  • proplastida, wangun durung "diwasa"
  • leukoplas, wangun diwasa tanpa ngandhut pigmèn, tinemu mliginé ing oyod
  • kloroplas, wangun aktif sing ngandhut pigmèn klorofil, tinemu ing godhong, kembang, lan pérangan-pérangan mawa warna ijo godhong liyané
  • kromoplas, wangun aktif sing ngandhut pigmèn karotena, tinemu mliginé ing kembang lan pérangan liya mawa warna jingga.
  • amiloplas, wangun semi-aktif sing ngandhut butir-butir tepung, tinemu ing pérangan tetanduran sing nyimpen cadhangan ènergi sajeroning wangun tepung, kaya oyod, rimpang, lan wit (umbi) sarta wiji.
  • elaioplas, wangun semi-aktif sing ngandhut tètès-tètès lenga/lemak ing sawetara jaringan panyimpan lenga, kaya endospermium (ing wiji)
  • etioplas, wangun semi-aktif sing wangun adhaptasi kloroplas marang lingkungan kurang cahya; etioplas bisa énggal aktif kanthi ambangun klorofil mung sajeroning sawetara jam sawisé nampa cukup cahya.

Plastida iku organel vital ing tetanduran. Fungsiné minangka papan fotosintesis, sintesis asam-asam lemak, sarta sawetara fungsi sadina-dina sèl.

Sacara evolusi plastida dianggep prokariota sing simbiosis sajeroning sèl eukariota lan banjur kélangan sipat otonomi penuh-é. Téyori endosimbiosis iki mèmper karo sing kadadéan ing mitokondria nanging introduksi plastida dianggep dumadi luwih mburi.