Piranti lebon

Saka Wikipédia Jawa, bauwarna bébas abasa Jawa
Papan tutul lan tetikus, piranti lebon sing umum tinemu ing komputer

Piranti lebon (Inggris: input device) iku kabèh periferal (piranti kasar komputer) sing dipigunakaké kanggo mènèhi data lan sinyal kendali kanggo sistem pamrosèsan informasi, kaya déné komputer. Piranti lebon bisa diklompokaké adhedhasar sawetara bab: (1) cara lebon, kaya liwat obah mekanis utawa audio; (2) lebon diskret (tekanan tombol) utawa kontinu (posisi tetikus); sarta (3) drajat kabébasan obahan, kaya rong dhimènsi sajeroning tetikus baku lan telung dhimènsi ing navigator kanggo aplikasi CAD. Jinis piranti lebon utama antarané ya iku papan tutul, piranti panuduh, pamindhai, piranti lebon vidéo (kamera, lsp.), sarta piranti lebon audio (mikrofon, lll.).