Printer

Saka Wikipédia Jawa, bauwarna bébas abasa Jawa
(Dilih saka Pencetak)
printer jinis dot matrix
printer jinis inkjet utawi tinta
printer jinis laser

Printer punika saking Basa Inggris ingkang saking tembung print ingkang ateges 'nyithak'. Printer punika salah satunggaling Perangkat keras utawi asring dipunsebut hardware ingkang wonten ing Basa Jawi kasebut piranti kasar kasambung kaliyan komputer ingkang ginanipun kanggé nyetak data utawi dokumen ingkang awujud gambar, seratan (tulisan), lan sanès-sanèsipun saking komputer kanthi media kertas. Wonten ing istilah printer wonten tembung dpi (dot per inch) inggih punika kathahipun titik wonten ing luas area 1 inci [1].

Sapunika kathah printer ingkang dipunsadé wonten ing pasaran kadosta Epson, Hewlett, Packard (HP), Canon, Lexmark lan sanèsipun. Saben printer ingkang dipunsade gadhah kriteria kualitas nyetak piyambak-piyambak.

Jinis-jinis Printer[besut | besut sumber]

  • Printer Dot-Matrix

Inggih punika printer ingkang resolusi cetakipun tasih andhap sanget. Nalika nembé proses nyétak printer jinis punika medalaken swantun ingkang seru. Kualitas asiling gambar ugi kirang saé amargi gambar ingkang sampun kacithak kados titik-titik ingkang sesambetan. Printer saking jinis punika gadhah kaluwihan saking regi pita printer ingkang mirah, awt, lan printer jinis Dot Matrik punika saged kanggé nyetak kertas dobel.

  • InkJet Printer

Inggih punika printer ingkang anggènipun nyetak ngginakaken tinta kanggé nyétak kanthi kualitas radi saé. Jinis printer inkJet punika ingkang sapunika kathah dipunagem déning masyarakat. Printer jinis tinta punika padatanipun ngginakaken tinta kanthi jinis dye ingkang kalebet jinising tinta kanthi kaluwihan asiling cithakan warni ingkang sampurna ananging cepet luntur lan kirang tahan kaliyan éwah-éwahaning cuaca.

  • Laser Printer

Printer jinis laser punika printer kanthi bahan utami arupi serbuk utawi toner. Cara kerjanipun sami kaliyan mesin fotokopi saéngga ndadosaken printer punika langkung cepet anggenipun nyétak data. Kejawi punika asiling cétakan ugi saé sanget awit tinta saking printer Laser Jet punika cepet garing dipuntandhingaken kaliyan printer jinis Inkjet. Ananging saking regi printer jinis punika kalebet awis [2].

Bagéyan-bagéyan Printer[besut | besut sumber]

  • Tray punika papan kanggé kertas.
  • Picker punika piranti kanggé mendhet kertas saking papanipun ( tray ).
  • Tinta inggih punika piranti pencétak ingkang kaginakaken kanggé nyerat utawi nyétak data wonten ing kertas.
  • kabel fleksibel, punika kanggé ngirim sinyal saking prosesor printer dhateng tinta.
  • Wonten ing sakwingkingipun printer wonten port pararel utawi USB kanggé ngubungaken dhateng komputer.

Cathetan Sikil[besut | besut sumber]

  1. ^ [1], (id) pengertian printer (dipunakses tanggal 22 September 2012)
  2. ^ [2], (id) Mengenal jinis-jinis printer (dipunakses tanggal 29 Oktober 2012)
Sumber artikel punika saking kaca situs web: "https://jv.wikipedia.org/w/index.php?title=Printer&oldid=1000361"