Kamera web

Saka Wikipédia Jawa, bauwarna bébas abasa Jawa
Kodhak wèb

Kodhak wèb utawa kodhak ramatraya (basa Inggris: webcam, singkatan saka web lan camera) ya iku jeneng kanggo kodhak kang gambaré bisa didelok ana ing Waring Wera Wanua, program pangolahpesen rikat, utawa aplikasi vidéo.[1] Istilah kodhak ramatraya ngrujuk marang tèknologi kang umum, mula saka iku tembung web sok-sok diganti karo tembung liya kang mènèhi pasawangan kang ditampilaké ana ing kodhak, tuladhané StreetCam kang nuduhaké pasawangan dalan.[1] Ana uga Metrocam kang nuduhaké pasawangan sesawangan kutha lan padésan, TraffiCam kang minangka ngawasi kahanan dalan, cuaca karo Weather Cam, lan uga kahanan gunung geni nganggo VolcanoCam.[1] Kodhak ramatraya ya iku kodhak video kanthi gana (digital) cilik kang dihubungaké marang komputer kang racaké nganggo colokan USB utawané colokan COM.[1]

Tipe-tipe webcam[besut | besut sumber]

Slim1320 (True 1.3 Mega Pixels High Performance Web Cam), Slim 2020AF (Mega Pixel Web Camera Auto Focus), Eye 312 (Simplify Instant Video and Chat), Eye 110 (Instant Video Messenger WebCam) sarta i-Look 1321 (Advance 1.3 Mega Pixel Camera), lan lya-liyané.[2] Saiki mèh kabèh jinis kodhak digital lan HP bisa minangka kodhak wèb (webcam).[2]

Cara kerja webcam[besut | besut sumber]

Kodhak web kang prasaja kasusun saka lensa standar, kang dipasang ana ing papan sirkuit kanggo sinyal gambar; casing (cover), kalebu casing ngarep lan casing sisih kanggo nutupi lensa standar lan ana sawijining bolongan lensa ing casing ngarep kang gunané kanggo nglebokaké gambar; kabel support, kang digawé saka bahan kang flèksibel, salah siji pucuké dihubungaké nganggo papan sirkuit lan pucuk sijiné kanggo connector, kabel iki dikontrol kanggo ngepaské dhuwur, arah lan pojok pandelengan kodhak wèb.[1]

Cathetan sikil[besut | besut sumber]