Petrus Kaseke
Petrus Kaseke (lair ing Minahasa, Sulawesi Utara, 2 Oktober 1942; umur 82 taun) ya iku salah sijiné panguri-uri piranti musik kolintang saka Kutha Salatiga, Jawa Tengah, Indonesia. Nalika esih umur 10 taun (1952), dhèwèké wis kasil ngripta kolintang 2,5 oktaf laras diatonis kang sinau saka wong-wong sing duwé kaprigelan lan mainke kolintang. Dhèwèké tur sinau, ngangsu kawruh lan ngembangaké piranti musik iki nganti bisa ngripta titi laras telu setengah oktaf, asli, siji kres, lan siji mol, ing taun 1960.[1][2] [3]
Riwayat
[besut | besut sumber]Kolintang, piranti musik tradhisional rakyat Minahasa iku naté ora diparengake dimainke naila mangsa kompeni Walanda. Sebabe, kolintang mau wiwitane dienggo ngiringi upacara ritual pamujan arwah leluhur déning masarakat kono.[4] Sasuwene saabad luwih, kolintang sansaya ilang lan meh ora dingerteni bathange. Tembe sawisé Perang Donya II, kira-kira taun 1952, salah sijiné piyantun tunanetra kang asmane Nelwan Katuuk ngenalke manèh piranti musik ana ing pagelaran musik kang digiyaraké ing Radio Republik Indonesia (RRI) Minahasa.
Pagelaran kolintang kang dimainke Nelwan Katuuk jebule nggugah inspirasine salah sijiné bocah lanang cilik umur sepuluh taun saka Ratahan, Minahasa Lor, ngripta piranti musik kolintang. Cita rasa musik saka kalangan kaluwargane ya sing ndadekke bocah mau sansaya tuwuh. Sabanjure dhèwèké ngangsu kawruh nukang saka éyang kakunge, kareben bisa nggawe kolintang.
Kasile, ing taun 1954 bocah lanang sing arane Petrus Kaseke mau bisa ngripta kolintang dawane loro setengah oktaf titi laras diatonis. Awis saka telatene lan tansa ngangsu kawruh marang wong-wong sing wis prigel mainake kolintang, dhèwèké bisa ngembangaké kolintang kanti nggawe sing telu setengah oktatf, siji kres, asli, sarta siji mol, taun 1960.[5]
Petrus Kaseke, putra ontang-antinge Pendeta Yohanes Kaseke lan Adelina Komalig. Sanajan saka kulawarga sekeng, naika umur rong puluh taun, Petrus nggayuh predhikat pelajar berprestasi lan nampa beasiswa saka Bupati Minahasa kanggo nerusaké pendhidhikan ing Jurusan Teknik Mesin Universitas Gadjah Mada Ngayojakarta. Nanging sawisé beasiswa saka Bupati Minahasa diwatesi, Petrus kapeksa urip pas-pasan ing Ngayojakarta, lan nelateni main kolintang.[6]
Pamentasan ing manca nagara
[besut | besut sumber]Tahun 1970 pentas ing Singapura suwéné telung dina. Tahun 1971 pentas ing Australia kira-kira telung sasi. Luwih saka seket kutha diampiri, kalebu Canberra, bareng karo Duta Besar Indonesia ing Australia, Sujitno Sukirno. Tahun 1972 pentas ing saperang kutha ing New York lan Los Angeles, Amérikah Sarékat. Tahun 1973 pentas ing benua Eropa antarané Switserlan, Jerman, Dhènemarken, lan Belanda (dijurung déning Duta Besar Indonesia ing Belanda, Sutopo Yuwono).
Uga delengen
[besut | besut sumber]Rujukan
[besut | besut sumber]- ↑ Jualo, diwaca 6 Februari 2015
- ↑ Guiness World Records:Largest Kolintang Xilophone, dideleng 21 April 2017
- ↑ ing memori saka Empu Petrus Kaseke diwaca 24 April 2023
- ↑ Bukan Tokoh Indonesia, diwaca 6 Februari 2015
- ↑ Kolintang, diwaca 6 Februari 2015
- ↑ Si Dudut, diwaca 6 Februari 2015
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |