Paul si Gurita

Saka Wikipédia Jawa, bauwarna mardika basa Jawa
Paul si Gurita

Paul si Gurita (Inggris: Paul the Octopus, netes ing wulan Januari 2008-pejah 26 Oktober 2010) inggih punika kéwan gurita ingkang manggén ing akuarium ing Sea Life Centres, Oberhausen, Jerman.[1] Paul kawentar amargi kawasisanipun anggénipun ngramal asil adu tandhing Piala Donya 2010 ing Afrika Kidul lan sadaya ramalanipun nalika samanten leres sadaya.[2] Sasampunipun ngramal kanthi trep asil adu tandhing tim nasional Jerman, Paul ngramal manawi Spanyol badhé ngalahaken Walanda ing final Piala Donya 2010 wau.[2] Predhiksi saking Paul dados prastawa ingkang paling dipuntengga nalika badhé wonten adu tandhing Walanda lan Spanyol ing Stadion Soccer City, Johannesburg, Afrika Kidul.[3] Kéwan punika dipunanggep minangka kéwan ingkang ajaib lan sakti amargi saged mredhiksi kanthi akurat.[3] Nalika samanten, nalika dipundamel kalih pilian gendèra Spanyol lan gendèra Walanda, lan prastawa kasebat dipuntayangaken déning stasiun télévisi ing saindhenging wewengkon Éropah, Paul langsung milih Spanyol minangka juwara adu tandhing wau.[3]

Pejahipun[besut | besut sumber]

Nalika tanggal 26 Oktober 2010, Paul pejah ing Sea Life Centres, Oberhausen, Jerman, amargi faktor umur. [4]

Pranala njawi[besut | besut sumber]

Cathetan suku[besut | besut sumber]

  1. World Cup 2010: Paul the Octopus dies dipunundhuh tanggal 22 September 2011)
  2. a b Paul Si Gurita Tutup Usia dipunundhuh tanggal 22 September 2011)
  3. a b c Paul Si Gurita Prediksi Spanyol Juara dipunundhuh tanggal 22 September 2011)
  4. World Cup's Paul the octopus dies dipunundhuh tanggal 22 September 2011)