Ong Harry Wahyu

Saka Wikipédia Jawa, bauwarna mardika basa Jawa

Ong Harry Wahyu (lair ing Madiun, Jawi Wétan) inggih punika salah satunggalipun seniman saking Indonesia. Namanipun misuwur miyos pakaryanipun awujud filem minangka visual artis lan art director. Piyambakipun naté nampi pangaji ing kategori The best art director wonten pahargyan Festival Film Indonesia kanthi filem Daun di Atas Bantal ingkang dipunsutradarani Garin Nugroho kanthi juru paraga Christine Hakim, taun 1996. Ong Hary Wahyu mandhégani ngadegipun komunitas kampung Nitiprayan ingkang salajengipun kawentar minangka kampung kagunan. Pakaryanipun ing jagat kagunan rupa, misuwur nalika nyungging samak buku Gadis pantai, anggitanipun sastrawan Pramoedya Ananta Toer.[1]

Latar wingking[besut | besut sumber]

Sinaosa naté dipunpenggak déning tiyang sepuhipun nalika badhé nglampahi kiprah ing jagat kagunan, nanging Ong tetep nglampahi punika. Kanthi modhal raos remen lan kaprigelan ingkang kapendhem, Ong Harry Wahyu kasil mujudaken pangimpènipun ing jagad film lan kagunan rupa.[2] Piyambakipun dugi Ngayojakarta taun 1979, sasampunipun ngrampungaken pawiyatan menengah ing Madiun. Kanthi tékad ingkang gumolong, Ong Harry Wahyu nerasaken pawiyatan wonten ing Institut Kagunan Indonesia Jurusan Kagunan Grafik. Nanging piyambakipun mboten tutug anggènipun kuliyah, amargi langkung kathah ngayahi pedamelanipun.[3]

Ong Harry Wahyu sampun nglairaken pakaryan awujud desain grafis. Piyambakipun dipunpracaya minangka art director wonten sapérang filem Indonésia antawisipun Tajuk (sesarangan Slamet Raharjo lan sakanca), Sri (sesarengan Marcelli Sumarno), Habibie & Ainun (sesarengan Hanung Bramantyo), Soegija (dipunparagani Nirwan Dewanto), lan Daun di atas bantal (dipunparagani Christine Hakim, dipunsutradarani Garin Nugroho). Mligi film Daun di atas bantal Ong Harry Wahyu kasil nyabet prédhikat minangka The best art director wonten pahargyan Festival Film Indonesia (1998).[4]

Pakaryan[besut | besut sumber]

Pakaryanipun Ong Harry awujud desain grafis kanggé para panganggit carita cekak, geguritan, lan novèl mboten saget kaétung cacahipun, ngancik atusan. Ing ngandhap niki namung sapéreng pakaryanipun:

Ugi pirsani[besut | besut sumber]

Rujukan[besut | besut sumber]

  1. ↑ Gudeg.net, kapundhut 15 Feb 2015
  2. ↑ "Bentara Budaya, kapundhut 15 Feb 2015". Diarsip saka sing asli ing 29 March 2014. Dibukak ing 7 May 2017.
  3. ↑ Indonesia Film center, kapundhut 15 Feb 2015
  4. ↑ "Jogja Trip, kapundhut 15 Feb 2015". Diarsip saka sing asli ing 15 February 2015. Dibukak ing 7 May 2017.


Dijupuk saka "https://jv.wikipedia.org/w/index.php?title=Ong_Harry_Wahyu&oldid=1647148"