Nirwan Dewanto

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Nirwan Dewanto
Nirwan Dewanto 001 foto oleh Witjak Widhi Cahya.jpg
Nirwan, 2011
Lair (1961-09-28) 28 Sèptèmber 1961 (umur 57)
Surabaya, Jawa Timur, Indonésia
Bangsa Indonésia
Alma mater Institut Teknologi Bandung
Pakaryan Penyair
Kondhang ing Menulis

Nirwan Dewanto Ingkang miyos wonten ing Surabaya, Jawa Wétan, Indonésia ing tanggal 9|1961 inggih salah satunggaling sastrawan saha pujangga Indonésia. Piyambakipun ugi misuwur saking peranipun minangka Albertus Soegijapranata wonten ing filem biopik Soegija ingkang medal ing taun 2012.[2]

Riwayat Pagesanganipun[besut | besut sumber]

Nirwan sampun remen nyerat puisi nalika taksih lenggah ing SMA. Karya-karyanipun sampun kapacak saha dipunwedalaken déning kalawarta-kalawarta kados ta kalawarta Kuncung dan Kartini. Nirwan kuliah wonten ing Institut Teknologi Bandung ing Bandung, Jawa Kilen, saking taun 1980 dumugi taun 1987. Sasampunipun piyambakipun pikantuk gelar Sarjana Géologi lajeng piyambakipun pindhah dhateng Jakarta.[3] Wonten ing Jakarta, piyambakipun naté makarya dados penyunting sastra saha penyelia kesenian. Piyambakipun ugi ndhèrèk ndhirikaken jurnal kabudayan Kalam lan sampun naté dados ketua redaksinipun lan sak punika ndhèrèk njagi lembar sastra koran Tempo edisi Minggu. Ing mangsa palastra 2007, piyambakipun nggabung kaliyan ’’International Writing Program’’ ing ’’University of Iowa’’, Amérika Sarékat, lan asilipun inggih saged ngrampungaken buku kanthi irah-irahan Bulo Buli Lima Kaki. Ing taun 1991 Nirwan naté dados pamedharsabda wonten ing Konferensi Budaya Nasional. Piyambkipun lajeng misuwur kanggé medhar bbagan budaya. [4] Nirwan dados redaktur kalawarta Kalam nalika dipunwedalaken ing sasi Pebruari 1994, sesarengan kaliyan pujangga sanèsipun inggih punika Goenawan Mohamad. [5] Ing taun 1996, Nirwan medalaken koleksi esai kanthi irah – irahan Senjakala Kebudayaan.[6].

Asiling Karya[besut | besut sumber]

Nirwan sampun naté dados jawara ing penghargaan Khatulistiwa ing taun 2008 kanggé antologi puisi ingkang irah – irahanipun Jantung Ratu Lebah; penghargaan punika ugi kalebet honorarium ingkang agengipun Rp 100 yuta.[7] Sastrawan cariyos cekak Seno Gumira Ajidarma, minangka juri lomba kasebat ngandharaken bilih antologi kagunganipun Nirwan punika kalebet karya ingkang monumental sanget. Ing taun 2010 Nirwan ngasilaken antologi puisi kanthi irah-irahan Buli-Buli Lima Kaki. Taun sanèsipun sapérangan asiling karyanipun dipunketingalaken sesarengan kaliyan iringan musik saking Dian HP saha garwanipun Nirwan, penyanyi Nya Ina Raseuki, Nirwan ugi maos puisinipun ing kegiyatan wau. Kajawi saking buku Buli Buli Lima Kaki, buku sanèsipun ingkang dipunserat déning Nirwan Dewantoro ing antawisipun inggih punika Prosa 1: Ingatan, Tidak, CintaJantung Lebah Ratu saha Umar Kayam Luar Dalam. Déné sajak-sajakipun Nirwan Dewantoro ing antawisipun inggih kanthi irah-irahan Telur Mata Sapi, Piring Terbang, Biduanita Botak, Bulan Madu, lan sapanunggalanipun.

Cathetan suku[besut | besut sumber]

  1. Tribun 2012, Aktor Romo Soegija.
  2. [1] Nirwan Dewanto DALAM TIKUNGAN KEHIDUPAN (dipunundhuh tanggal 20 Januari 21013)
  3. [2] Nirwan Dewanto (dipunundhuh tanggal 20 Januari 2013)
  4. Kompas 2012, Nirwan Dewanto.
  5. Tempo 1994, Jurnal Angker.
  6. Eneste 2001, k. 165.
  7. [3] Ayu Utami, Nirwan Dewanto win Khatulistiwa literary prize (dipunundhuh tanggal 20 Januari 2013)


Bibliografi