Okky Asokawati

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Okky Asokawati
225px-Okky asokawati berjilbab.jpg
LairOkky Asokawati
Pakaryanperagawati, aktris, juru nulis
Taun aktif1997 - saiki
BojoFirman Ichsan (pegat)
Nono Wirahadimuljo (alm)
AnakTanisa Diva Siti Murbarani, Queentadira Asokawati Padmodimuldjo
Wong tuwaAKBP A. Tanuamijaya (bapak)
Soetarjiah (ibu)

Okky Asokawati ya iku pragawati, modhel, bintang iklan lan pranatacara. Sajeroning perkembangane, Oky banjur mèlu ing donya sinétron, mulang sekolah modhel lan nulis buku.[1] Okky uga yasa sekolah modeling OQ Modeling ing Jakarta, Bandung, lan Surabaya.[2]

Okky Asokawati lair ing Jakarta, 6 Maret 1961.[1] Okky iku anak kaping lima saka enem paseduluran pasangan Ajun Komisaris Besar Pulisi A. Tanuamijaya lan Soetarjiah iki sanajan lair dadi wadon nanging dijenengi Asuk déning ibuke kang banget senenge karo ratu Asoka (sedo taun 232 sadurungé Masehi) saka wangsa Maurya, India. Okky duwé getih campuran Jawa-Sunda. Dhèwèké kawit cilik seneng dandan lan nggaya ing sangarepe kaca. Nanging kesenengane Okky mandheg amarga bapaké dikunjara ditudhuh mèlu Gerakan 30 September. Ékonomi kulawargané dadi pas-pasan, sanajan ibuke wis makarya ngelesi basa Inggris lan piano. Mula percaya dhirine sempet luntur apamanèh nalika dhèwèké sekolah ing SMP Tarakanita, Jakarta Selatan kang akèh-akèhé bocah-bocah saka kulawarga sugih.[2]

Okky nikah karo kamerawan Firman Ichsan taun 1985, lan éntuk putra jenenge Tanisa Diva Siti Murbarani.[1] Nanging pernikahan mau ora tahan suwé. Taun 2003, dhèwèké pisah, banjur nikah karo Fajar Tyas Sasono Padmodimulyo alias Nono lan éntuk anak kang jenenge Queentadira Asokawati Padmodimuljo.[2]

Pendhidhikan[besut | besut sumber]

Oky alumnus saka Fakultas Psikologi Universitas Indonésia taun 1988.[2] Lan pendhidhikan akir ing S-2 Psikologi Universitas Indonésia.[3]

Karier[besut | besut sumber]

Okky Asokawati ngawali karire sawisé menang kontès gelar putri kang gaun wengine paling apik ing kalawarta Gadis taun 1978. Banjur dhèwèké kepilih dadi modhel kanggo busana rancangan designer Iwan Tirta.[1] Kawit iku, rupané kerep ana ing sampul kalawarta rumaja lan kalawarta wanita. Saking sibuk kanggo pemotretan lan show, kuliahe Okky ing Fakultas Psikologi Universitas Indonésia kethetheran. Pungkasané, Okky cuti suwéné rong taun. Saka nasihat ibuke, Okky kuliyah manèh lan lulus kanthi gelar sarjana psikologi taun 1988.

Okky uga dadi pranatacara lan akting. Acara kang naté dipandu Okky uga ora adoh saka psikologi, ya iku Oh Mama Oh Papa ing ANTeve. Okky uga akting ing Senandung kang dibabarake Indosiar. Saliyané iku, dhèwèké dadi redaktur pelaksana kalawarta Sarinah (1992-1994) lan ing Matra (1990-1994).[2]

Okky uga dadi anggota DPR kepilih saka Laladan Pemilihan (Dapil) DKI Jakarta II kang merangani Jakarta Pusat, Jakarta Selatan, lan njaba nagari.[4] Dhèwèké diusung saka PPP, keanggotane ing DPR ya iku ana ing Anggota Komisi IX.[3]

Karya[besut | besut sumber]

Taun 2006, Okky nggawe buku kanthi sesirah Jangan Menoleh Ke Belakang.[5] Saliyané carita jaman cilike, Okky uga carita kisah pribadine kang kerep ditulis ing buku kang ingaran dreambook iki. Sajeroning dreambook, Okky nulis babagan saka masalah gaji ing awal-awal karir tekan babagan kang menurute sipaté pribadi..[6]


Cathetan suku[besut | besut sumber]

  1. a b c d Oky Asokawati ing KapanLagi.com (diaksés tanggal 8 Agustus 2011)
  2. a b c d e Profil Okky Asokawati ing modelkerudung.com (diaksés tanggal 8 Agustus 2011)
  3. a b Okky Asokawati Masih Banyak Persoalan dan Perlindungan TKI (www.pulitikindonesia.com) (diaksés tanggal 8 Agustus 2011)
  4. Dra. Hj. Okky Asokawati, S.PSi. ing hot.detik.com (diaksés tanggal 8 Agustus 2011)
  5. Okky Asokawati Jangan Menoleh ke Belakang Muara Bagdja (limitedbookstore.com) (diaksés tanggal 8 Agustus 2011)
  6. web.garta.com (diaksés tanggal 8 Agustus 2011)