Nyatoh

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Nyatoh
Pouteria obovata RGB Sydney.jpg
Nyatoh ing Royal Botanical Garden, Sydney
Klasifikasi ngèlmiah e
Karajan: Plantae
Klad: Angiosperms
Klad: Eudicots
Klad: Asterids
Ordho: Ericales
Famili: Sapotaceae
Génus: Pouteria
Spésies: P. obovata
Jeneng binomial
Pouteria obovata
(R.Br.) Pierre
Sinonim

  • Planchonella obovata (R.Br.) Baehni
  • Sersalisia obovata R.Br.

Nyatoh (Planchonella obovata utawa Achras obovata) ya iku wit taunan saka kulawarga Sapotaceae. Tlutuhé akèh werna putih. Godhongé tunggal selang-seling bundher. Godhong iki werna ijo lan alus.Wit iki dhuwuré bisa nganti 40 mèter lan dhiamèter galihé 100 séntimèter. Galihé silindhris werna soklat enom la nana sisiké. Kayuné werna kuning keabangan. Kembangé solitèr nggerombol. Wohé wuni werna ijo nalika mentah lan mailih dadi kuning nalika mateng. Wijiné cacah 5 saben woh. Wiji iki wernané soklat.

Biologi lan Ékologi[besut | besut sumber]

Wit Nyatoh ngembang setaun pisan ana ing sasi Septémbér nganti Oktobér. Tetuwuhan iki tuwuh mawa wiji. Pasebaran wiji direwangi dening manuk lan lawa. Wit iki bisa tuwuh nganti 1300 méter ing sadhuwuring samodra. Bisa tuwuh ana ing dharatan garing nganti teles. Bisa uga ing alas primèr lan sekundhèr, lemah watu lan pesisir segara. Kasebar ing Asia Kidul lan Asia Kidul Wetan.[1]

Piguna[besut | besut sumber]

Wit Nyatoh

Godhong Nyatoh bisa kanggo jamu. Kayuné bisa kanggo piranti wangunan, patukangan lan kayu obong. Woh sing wis mateng bisa dipangan.

Rujukan[besut | besut sumber]

  1. Partomihardjo, Tukirin dkk. (2014). Jenis-Jenis Pohon Penting di Hutan Nusakambangan. Jakarta: LIPI Pers bersama Yayasan Pustaka Obor Indonesia. k. 93. ISBN 978-979-799-804-2.