Nadjib Kertapati Z
Nadjib Kertapati Z (lair ing Kabupatèn Pati, Jawa Tengah, 21 Agustus 1954; umur 69 taun) ya iku salah sijiné sastrawan saka Indonésia. Jenengé misuwur ing jagat kasusastran lumantar pakaryané awujud novèl, carita cekak kang kamot ing sapérang koran lan kalawarta. Dhèwèké uga nganggit skénario filem. Sapérang bebungah wis ditampa antarané Juara Penulisan Carita Cerkak Kalawarta Pertiwi, Skénario Film Pinuji Festival Film Bandung, lan Piala Vidia taun 1998.[1][2][3][4][5]
Latar wuri[besut | besut sumber]
Nadjib Kertapati Z lair ing Kabupatèn Pati, Jawa Tengah, tanggal 21 Agustus 1954. Dhèwèké ngrampungké pendhidhikan Mualimin (yèn saiki padha karo SMA). Bola-bali dhèwèké menang ing pasanggiri ngarang carita cekak, novelèt, novèl, lan fèstival sinétron. Nadjib miwiti kiprahé ing jagat kesenian kanthi nglakoni pagawéan minangka juru warta lan redhaktur kalawarta. Pakaryané wis akèh kang diangkat ing layar télévisi. Nanging dhèwèké ora naté nganggit skénario filem lan sinétron bab katresnan jalaran luwih seneng milih ngangkat prakara-prakara sosial. Skénario kapisan kang kaanggit, malah diangkat saka carita cekaké, kang sabanjuré kasil ngranggeh pangaji Piala Vidya ing taun 1998.
Dalam Bayangan Ibu iku sesirah carita cekaké kang kasil nglantaraké asmané menang nampani pangaji minangka juara siji ing Sayembara Carita Cekak kang dianakaké déning Kalawarta Pertiwi. Sawisé, carita cekak mau diangkat dadi skénario filem lan éntuk juara siji ing Festival Sinetron Indonésia liwat kategori Sandhiwara Ontang-anting. Ya awit saka kuwi dhèwèké miwiti minangka panganggit skenario.
Nadjib Kertapati nlateni dadi panganggit carita cekak lan juru warta awit taun 1978. Sapérang kalungguhan wis naté diemban, ya iku redhaktur palaksana ing Kalawarta Srikandi, Kalawarta Kriminal dan Pencegahan, redhaktur ing Kalawarta Monalisa, nganti dadi redhaktur ing Kalawarta Sarinah.
Skenario filem télévisi ing program Sinema Wajah Indonésia (SIWI) sesirah Undangan Kuning kang digyiarake déning stasiun Surya Citra Televisi (SCTV) éntuk atur sapala apik ing pamirsa télévisi kanthi rating dhuwur dhéwé jalaran ngangkat téma sosial kang nggambaraké prabedan uleman resepsi dhaup dhedhasar status sosialé. Skénario kuwi uga kaangkat saka carita cekaké kang menang ana ing Lomba Cerpen Humor.
Jagating télévisi kang isiné sinétron kejar tayang ndadèkké Nadjib rumangsa ora éntuk panggon kanggo makarya. Mula saka kuwi paraga senior Deddy Mizwar milih Nadjib minangka salah sijiné panganggit skénario ing program SIWI kang dicakké déning Citra Sinema.
Pakaryan[besut | besut sumber]
- Orang-orang Kalah-kempalan carita cekak (Balai Pustaka)
- Pengibulan Massal-kempalan carita cekak (Balai Pustaka)
- Hadi dan Zumala (Haji Bekasi)-Novèl (Balai Pustaka)
- Sang Pengabdi-kempalan carita cekak (Progres, Jakarta)
- Memburu Matahari-Novèl (Progres, Jakarta)
- Menepis Impian-kempalan carita cekak (Progres, Jakarta)
- Debu-debu Cinta-Novèl (Progres, Jakarta)
- Kabut Hati Suami-kempalan Novelet (Progres, Jakarta)
- Surat Pamungkas-kempalan carita cekak (Progres, Jakarta)
- Dalam Bayangan Ibu-kempalan Cerpen (Yayasan Barzakh Foundation, Jakarta).
- Ke Sorga Naik Sepeda-kempalan carita cekak (Citra Almamater, Semarang)
- Perempuan Dilarang Baca-kempalan Esei Naratif: (Dok-Pri, Jakarta)
- Geger Wisanggeni-carita Wayang (Dok-Pri, Jakarta)
- Maysuri-Novèl (Alvabet, Jakarta)
- Sajak Cinta Seorang Cerpenis – Antologi Puisi (Mujahid Pres, Bandung)
- Juru besut buku kempalan ing sapérang carita cekak lan biografi.
Pangaji[besut | besut sumber]
- Juara Penulisan Cerpen Majalah Pertiwi
- Piala Vidya (1998)
- Penulis Skenario Flm Televisi Terpuji Festival Film Bandung (FFB) 2015
Rujukan[besut | besut sumber]
- ↑ Ikreatif Online: NADZIB KERTAPATI Z (PENULIS SKENARIO): MAESTRO CERITA BERMORAL Archived 2017-04-15 at the Wayback Machine., dijupuk 15 April 2017
- ↑ Leksikon Susastra Indonésia: Nadib Kertapati Z, dijupuk 15 April 2017
- ↑ Pikiran Rakyat: Nadjib Kertapati Z, Penulis Skenario Film Televisi Terpuji Archived 2017-04-15 at the Wayback Machine., dijupuk 15 April 2017
- ↑ Suara Merdeka:Membaca Novel REalis Agamis Penulis Pati[pranala mati permanèn] dijupuk 23 April 2017
- ↑ Muvila:Tjokroaminoto pimpin nominasi FFB 2015 dijupuk 23 April 2017
 | Artikel biografi iki minangka artikel rintisan. Kowé bisa ngéwangi Wikipédia ngembangaké. |