Musiyum Sumatera Utara
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
| Barkas:The traditional Batak style building houses the North Sumatra Provincial State Museum (2020-02-06).jpg, Museum Negeri Sumatera Utara Medan.jpg Museum Sumatera Utara | |
| Dikukuhaké | 19 April 1982 |
|---|---|
| Pernah | Jln. H.M. Jhoni No. 51, Medan |
| Dhayoh | 2003 - 73.032 2004 - 80.070 2005 - 81.031 |
| Dhirèktur | Sri Hartini |
.jpg,_Museum_Negeri_Sumatera_Utara_Medan.jpg){kind=link}
Musiyum Sumatera Utara punika papan dunungipun wonten ing Jln. H.M. Jhoni No. 51 Medan. Minangka Museum ingkang paling ageng ing Sumatera Utara ingkang manéka tilas sajarah budaya bangsa, kasil seni saha kerajinan saking manéka suku wonten ing Sumatera Utara. Museum punika dipunyasa nalika taun 1954 saha dipunresmikaken nalika taun 1982 déning Mantri Pendidikan dan Kebudayaan, Daoed Joesoef.[1] Museum punika minangka salah satunggaling musiyum ingkang saé piyambak ing Indonésia.[2]
Kaanan yasan
[besut | besut sumber]Wangunan musiyum mapan wonten ing papan ingkang ambanipun antawis 10.468 m2, kasungsun saking yasan induk kalih lanté ingkang dipunfungsikaken kanggé ruwang paméran tetap, ruwang paméran témporér, ruwang audio visual/sesorah, ruwang kepala musiyum, tata usaha, ruwang seksi bimbingan, pabukon, ruwang mikro filem, ruwang komputer, sarta gudang.[3][4]
Koléksi
[besut | besut sumber]Dumugi ing taun 2005, Musiyum Sumatera Utara gadhah 6799 koléksi.[2] Kasungsun saking réplika kéwan kas Sumatera, réplika fosil manungsa purba, diorama pagesangan nalika jaman prasajarah, sarta manéka pirantos prasajarah.[4]
Wonten ugi tilas sanès, kados ta arca-arca tilas jaman Hindhu-Buda, tilas watu nisan, Al-Qur'an, réplika Masjid Azizi saged pinanggih wonten ing musiyum punika. Ugi perkakas nalika jaman Kolonial Walanda ugi dipunkoléksi. Kajawi punika, wonteen ugi modél figur kolonial, saha réplika pagesangan kutha Medan jaman rumiyin.[4]
Barang koléksi antawisipun senjata tradhisional saha modhèren, obat-obatan tradhisional, pirantos komunikasi ingkang dipun-ginakaken kanggé mbrasta penjajah. Ugi dipuntedahaken lukisan kapahlawanan saha poster propaganda masa prang. Pungkasan, foto-foto sarta lukisan saking para pahlawan saha mantan gubernur Sumatera Utara ugi dipunkoléksi wonten ing musiyum punika.[4]
Perkembangan
[besut | besut sumber]Nalika taun 2003 cacahing pengunjung 73.032, taun 2004 minggah dados 80.070, taun 2005 pengunjung ngantos dumugi 81.031 saha wonten wekdal ingkang cacahipun pengunjung dumugi angka 34.074 jiwa. Saéngga, nalika taun 2006 dipunrencakaken supados cacahing pangunjung saged dumugi 90 ewunan.[1]
Nalika taun 2006, musiyum punika dipunjangkepi fasilitas animasi saha "layar sentuh". Punika dipunadani kanggé ningkataken cacahing pangunjung. Miturut andharanipun Sri Hartini, Kepala Museum Sumatera Utara, bilih kanthi teknologi animasi punika, laré-laré kathah ingkang remen.[1] Kajawi punika, ugi kasiapaken kanggé para pangunjung ingkang sampun sepuh fasilitas kanggé minggah saha mandhap ruwang koléksi ing lanté II saha III, cekap mirsani wonten ing layar ageng kanthi tèknologi "layar sentuh", sadaya ruangan musiyum sampun saged dipunpirsani.[1]
Cathetan suku
[besut | besut sumber]- ↑ a b c d Simatupang, Sahat. "Fasilitas Baru di Museum Sumatera Utara". Tempo.co. Diarsip saka sing asli ing 18 October 2014. Dibukak ing 4 November 2012.
- ↑ a b "Museum Sumatera Utara". punyamarga.com. Diarsip saka sing asli ing 4 November 2012.
- ↑ Sari Suwito. "Sejenak Berkeliling Museum Negeri Sumatera Utara Medan". travel.detik.com. Diarsip saka sing asli ing 4 November 2012.
- ↑ a b c d "Museum Negeri Provinsi Sumatera Utara". Museum Indonésia. Diarsip saka sing asli ing 4 November 2012.
 |
Wikimedia Commons duwé médhia ngenani Musiyum Sumatera Utara. |