National Museum of Natural History

Saka Wikipédia Jawa, bauwarna bébas abasa Jawa
National Museum of Natural History
National Museum of Natural History, Washington.jpg
Dikukuhaké 1910
Pernah National Mall di Washington, D.C., Amérika Sarékat
Jinis sajarah alam
Situs jaringan www.mnh.si.edu

National Museum of Natural History minangka musiyum ingkang dipunkelola Lembaga Smithsonian, dumunung wonten ing sisih ler National Mall, Washington, D.C., Amérika Sarékat.

Museum mameraken langkung saking 125 yuta spésimèn tetuwuhan, kéwan, fosil, mineral, watu, meteorit,saha peninggalan budaya. Museum punika minangka musiyum paling misuuwur angka kalih saking sadaya musiyum ingkang dipunkelola Lembaga Smithsonian. Sajumlah 185 ilmuwan sajarah alam wonten ing ngandhapipun naungan musiyum minangka tenaga paneliti. Para ilmuwan kacathet minangka kelompok ilmuwan kanthi cacahing anggota ingkang paling kathah sakdonya babagan babagan panaliten sajarah alam saha budaya.

Sajarah[besut | besut sumber]

Museum punika kabangun ing taun 1910, gedungipun karancang déning arsitèk Hornblower saha Marshall. Gedungipun karancang kanthi gaya arsitèktur neoklasisisme, saha dipunyasa ing sisih ler National Mall ing Constitution Avenue minangka pérangan saking rencana pambangunan Washington D.C. ingkang dipundamel déning Komisi McMillan taun 1901. Nalika taun 2000, Kenneth E. Behring nyumbangaken dana sajumlah AS$80 yuta (sumbangan paling ageng ingkang naté dipuntampi musiyum). Saderengipun Behring ugi naté nyumbang AS$20 yuta kanggé modernisasi gedung.[1][2]

Pameran batu mulia ingkang dipunadani musiyum nalika taun 2005 kanthin nama "Butterfly of Peace". Pameran punika minangka pameran ingkang pisanan wonten ing Amérika Sarékat. Ing taun 2008, musiyum punika mbikak arena pameran kanthi jembar 464,5 mèter² ingkang dipunisi lemah kanthi unsur-unsur panunjang panguripan.

Paragan[besut | besut sumber]

Aula géologi, batu mulia, saha mineral[besut | besut sumber]

Koleksi Mineral saha Batu Mulia Nasional wonten ing musiyum punika minangka salah satunggaling koleksi paling wigati ing donya. Koleksinipun kasungsun saking batu mulia paling misuwur ing donya, kalebet Berlian Hope saha batu safir ingkang winastan Safir Bintang Asia. Museum kagungan langkung saking 15 èwu batu mulia, 350 èwu batu mineral, saha 300 èwu tuladha batuan saha bijih. Kejawi punika, Smithsonian kagungan antawiis 35 èwu meteorit ingkang dipunanggep minangka salah sawijining koleksi paling jangkep sakdonya. Berlian Hope inggih punika salah satunggaling bintang pameran. Bobotipun 45,52 karat saha dipunpercaya minangka berlian ingkang mbekta nasib ala tumrap ingkang kagungan. Nalika dados gadhahipun individu, meh sadaya pamilik Berlian Hope ngalami mangsa susah babagan béya saha kapeksa nyade berlian punika. Safir Bintang Asia minangka safir paling ageng ing donya, asalipun saking Sri Lanka sah bobotipun 330 karat. Koleksi Aula Géologi, Batu Mulia, saha Mineral antawisipun saking Washington A. Roebling (pandhiri Kreteg Brooklyn) ingkang nyumbang 16 èwu spésimèn, Frederick A. Canfield nyumbang 9 èwu spésimèn, saha Dr. Isaac Lea ingkang nyumbang 1312 batu mulia saha mineral minangka dados koleksi wiwitan.

Aula Dinosaurus[besut | besut sumber]

Museum kagungan 570.000 spésimèn reptilia saking sadaya wewengkon. Koleksi Nasional Amfibia saha Reptilia sampun tambah kali lipet antawising 40 taun pungkasan (190 èwu spésimèn dados langkung saking 570 spésimèn ing taun 2008). Kejawi rangka asli dinosaurus ingkang sampun dados fosil, Aula Dinosaurus kagungan modhèl replika. Antawisipun replika dinosaurus ingkang sampun dipundamel inggih punika Tyrannosaurus Rex ingkang adhep-adhepan kaliyan Triceratops.

Cathetan suku[besut | besut sumber]

  1. ^ "Plans for Museum Building." Washington Post. July 6, 1902.
  2. ^ "New Building for Museum." Washington Post. January 30, 1903.