Moa

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados
Moa
Moa ingkang dipunserang Garudha Haast
Status konsèrvasi
Klasifikasi èlmiah
Krajan: Animalia
Filum: Chordata
Kelas: Aves
Superorder: Paleognathae
Ordo: Struthioniformes
Kulawarga: Dinornithidae
Genera

Anomalopteryx
Euryapteryx
Megalapteryx
Dinornis
Emeus
Pachyornis

Moa punika sajinis peksi saking negari Selandia Anyar. Moa kapérang dados sewelas spésiés (lan enem genera) saking pèksi endemik ing negari Selandia Énggal ingkang boten saged miber lan sapunika kèwan punika sampun cures.[1] Kalih spésiés ingkang paling ageng inggih punika Dinornis robustus lan Dinornis novaezelandiae, nggadhahi inggil ngantos 3,7 m, kanthi abot 230 kg.[1]

Moa punika taksih mlebet urutan Struthioniformes, sanajan wonten ingkang nggadhahi pamanggih menawi Moa mlebetipun dhateng urutan Dinornithiformes. Sewelas spésiés Moa nggadhahi swiwi ingkang alit sanget.[2] Moa kalebet sato kewan herbivora ing ekosistem Selandia Ènggal.[2] Godhong, pang, lan woh-wohan nggadhahi mangfaat ingkang penting minangka pangananipun Moa.[2] Moa dipunburu déning garudha Haast, satunggalipun garudha paling ageng sadonya ingkang sapunika sampun cures. Moa cures dipunsababaken amargi perburuaan lan risakipun wana.[2] Alas punika dipunrisak déning suku Māori.[2] Kinten-kinten Moa sampun cures sadaya ing taun 1500.[2]

Sadèrèngipun kiwi dipunanggep minangka sadhèrèkipun Moa, ananging perbandingan DNA wonten satunggalipun panaliten ingkang dipuntebitaken ing makalah ing taun 2005 nyebataken bilih Moa langkut caket pasadhèrèkanipun kaliyan emu Australia lan Kasuari.[3] Ananging ing panaliten ingkang dipunpublikasikaken ing taun 2010 nyebataken bilih MOa nggadhahi pasadhèrèkan ingkang langkung caket kaliyan pèksi tinamous ing Amerika Kidul.[3]

Cathetan Suku[sunting | besut sumber]

  1. ^ a b Davies, S. J. J. F. (2003)
  2. ^ a b c d e f OSNZ (2009)
  3. ^ a b Phillips, et al. (2010)

Pranala Njawi[sunting | besut sumber]


Sumber artikel punika saking kaca situs web: "https://jv.wikipedia.org/w/index.php?title=Moa&oldid=1014136"