Mike Lewis

Mike Lewis
Lair	Michael George William Lewis
Pakaryan	Artis, Model
Taun aktif	2002 - saiki
Bojo	Tamara Bleszynski (pegat)
Anak	Kenzou Leon Blezynski Lewis Rowan Fairchild

Michael George William Lewis kondhang kanthi jeneng Mike Lewis (lair ing Tokyo, 22 Oktober 1981; umur 43 taun). Mike Lewis iku salah sijiné modhél lan bintang filem lan juru main sinétron kang isih duwé katurunan Kanada.

Mike Lewis lair ing Tokyo, Jepang. Bapaké isih nduwéni katurunan Kanada lan ibuné keturunan Tionghoa-Indonesia. Bapaké Mike Lewis iku salah sijiné diplomat mula asring pindhah-pindhah omah saka nagara siji menyang nagara liyané. Amarga iki Mike Lewis dadi bisa nguwasani limang basa. Saliyané bisa basa ibu ya iku basa Inggris, Mike Lewis uga bisa basa liyané kaya ta basa Perancis, Mandarin lan Indonesia. Mike Lewis gedhé ing Kanada lan lulusan saka Universitas British Columbia, Kanada.

Mike Lewis wiwit kepéngin sinau babagan Indonesia nalika bapaké dadi duta besar Kanada lan ditugaské ing Jakarta. Salah siji pakliké manggon ing Jakarta mula Mike Lewis kerep dolan ing Indonesia.

Karir

Mike Lewis iku salah sijiné modhél lan nggabung ing Kliks Models duweké désainer Samuel Watimena. Mike nggabung dadi agensi wiwit taun 2004.

Film Suster Ngesot (2007) iku dadi filemé kang sepisanan lan ing filem iki, Mike Lewis dadi bintang utama. Mike Lewis uga wis njupuk kelas akting ing Kanada kang suwéné 10 sasi kanggo persiapan main filem iki. Mike Lewis uga tau main ing filem kang judhulé 5 Sehat 4 Sempurna arahan Richard Buntario. Mike Lewis uga tau main ing sinétron Cinta Fitri bareng Teuku Wisnu lan Shireen Sungkar.

Filmografi

• 5 Sehat 4 Sempurna (2002)
• Suster Ngesot (2007)
• The God Babe (2010)
• Hafalan Salat Delisa (2011)

Sinetron

• Yasmin (2008)
• Cinta Fitri (2009)
• Larasati (2009)

FTV

• Sopir Taksi Jatuh Cinta, main bareng karo Masayu Anastasia
• Kejar Tayang
• Beauty and the Bis (2011), main bareng karo Ratna Galih