Kurniawan Junaedhie

Saka Wikipédia Jawa, bauwarna mardika basa Jawa
Kurniawan Junaedhie
Kurniawan Junaedhie
Lair (1956-11-24) Novèmber 24, 1956 (umur 67)
Indhonésia Magelang, Jawa Tengah, Indonésia
PakaryanSastrawan

Kurniawan Junaedhie (lair ing Kutha Magelang, Jawi Tengah, 24 Novèmber 1956; umur 67 taun) inggih punika salah satunggalipun sastrawan saking Indonésia. Wiwitan nyerat wonten ing rubrik laré-laré Si Kancil, kalawarta Liberty, Surabaya, awit taksih sinau wonten sekolah dhasar. Piyambakipun nganggit geguritan lan cita cekak taun 1974 lan dipunmot wonten sawenèh ariwarta lan kalawarta antawisipun Horison, Kompas, Suara Karya, Suara Merdeka, Berita Nasional, Masa Kini, Jurnal Indonésia, Suara Pembaruan, lan Sinar Harapan. Pakaryanipun ingkang sampun kababar inggih punika Rumpun Bambu (1975), Armagedon (1976), Waktu Naik Kereta Listrik (1997). Kajawi nggelar pamaosan geguritan, piyambakipun ugi asring dipunulemi minangka juri pamaosan geguritan. Penyanyi Neno Warisman inggih salah satunggalipun panyarta ingkang naté dipunbiji Kurniawan Junaedhi nalika ndhèrèk adon-adon pamaosan geguritan. Kurniawan Junaedhie kalebet salah satunggalipun sastrawan ingkang ndhèrèk ngadegaken Bebrayan Ageng Negeri Poci sesarengan Piek Ardijanto Soeprijadi, Adri Darmadji Woko, Widjati, Handrawan Nadesul, Eka Budianta, lan Rahadi Zakaria, ing taun 1993. Bebrayan punika saben taun mbabar buku kempalan geguritan kanthi sesirah Dari Negeri Poci, lan taun 2017 sampun ngancik sèri pitu.

Latar wingking[besut | besut sumber]

Sasampunipun ngangsu kawruh ing SMA Purwokerto, piyambakipun nglajengaken pendhidhikan wonten Sekolah Tinggi Publisistik (STP) Jakarta. Boten dangu sasampunipun kuliyah, piyambakipun nelatèni pedamelan minangka juru warta awit taun 1977, antawisipun wonten kalawarta kulawarga Dewi, kalawarta Intan (dumugi 1982), kalawarta Tiara (dumugi 1983), lan kalawarta wanita Dewi (Femina Grup, 1984). Wulan Fèbruari 1985, piyambakipun kapracaya minangka redhaktur palaksana ariwarta Jakarta-Jakarta (ingkang dipunadegaken sesarengan Noorca Marendra Massardi, Yudhistira Ardi Nugraha Massardi lan Seno Gumira Adjidarma), pangarsa redhaksi kalawarta Tiara (1989-1999) lan juru besut ing Kompas Cyber Media (dumugi pènsiyun, taun 2000)[1].

Sapunika, Kurniawan Junaedhie langkung kathah nelatèni pedamelan ngrumat kebon lan tuwuhan, pambesut tamu kanggé sakpérang juru babar ing Jakarta, lan pangemunah juru babar swatantra. Buku anggitanipun ingkang ngemot téma wit-witan inggih punika Panduan Praktis Perawatan Aglaonema (AgroMedia, 2006), Pesona Anthurium Daun (AgroMedia, 2006), Jurus Sukses Bisnis Tanaman Hias (AgroMedia, 2007), lan Menjadi Milyader dari Anthurium Daun (AgroMedia, 2007).[2]

Pakaryanipun[besut | besut sumber]

Piyambakan[besut | besut sumber]

  • Rumpun Bambu (Purwokerto, 1975)
  • Armageddon (sesarengan Ahita Teguh Susilo, Purwokerto, 1976)
  • Waktu Naik Kereta Listrik (Jakarta, 1977)
  • Selamat Pagi Nyonya Kurniawan (Tiara Kliq, Jakarta, 1978)
  • Cinta Seekor Singa (Penerbit Bisnis2030, Jakarta, 2009)
  • Perempuan dalam Secangkir Kopi (Kosa Kata Kita, Jakarta, 2010)
  • 100 Haiku untuk Sri Ratu (Bisnis2030, Jakarta, 2010)
  • Bibir di Bawah Bantal (Kosakatakita, Jakarta, 2011).
  • Opera Sabun Colek (cerita cekak, Kosa Kata Kita, 2011).

Sesarengan[besut | besut sumber]

  • Cerita Pendek Indonésia 4 (juru besut Satyagraha Hoerip, Gramedia Pustaka Utama, 1985)
  • Dari Negeri Poci (sesarengan 12 panggurit Indonésia, Pustaka Sastra, Jakarta, 1993)
  • Dari Negeri Poci 2 (sesarengan 45 panggurit Indonésia, Pustaka Sastra, Jakarta, 1994)
  • Dari Negeri Poci 3 (sesarengan 49 panggurit Indonésia, Majalah Tiara, Jakarta, 1996)
  • The Fifties Selection (sesarengan 19 panggurit lainnya, Pustaka Kreasi, Jakarta, 2009)
  • Senandoeng Radja Ketjil (sesarengan 16 panggurit Indonésia lainnya, Kosa Kata Kita, 2010)
  • Kitab Radja-Ratoe Alit (sesarengan 49 panggurit Indonésia lainnya, Kosa Kata Kita, 2011)
  • Bangga Aku Jadi Rakyat Indonésia (sesarengan 50 panggurit Indonésia lainnya, Kosa Kata Kita, 2012)
  • Dari Negeri Poci 4: Negeri Abal-Abal (sesarengan 98 panggurit, Kosa Kata Kita, 2013).
  • Dari Negeri Poci 5: Negeri Langit (sesarengan 98 panggurit, Kosa Kata Kita, 2014).
  • 1000 Haiku Indonésia (Kosa Kata Kita, 2015)
  • Kitab Karmina Indonésia (Kosa Kata Kita, 2015)
  • Dari Negeri Poci 6: Negeri Laut (Kosa Kata Kita, 2015)[3]
  • Dari Negeri Poci 7: Negeri Awan (Kosa Kata Kita, 2017)

Rujukan[besut | besut sumber]

Pranala njawi[besut | besut sumber]