Kiki Amalia

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kiki Amalia
Kiki Amalia.jpg
LairKiki Amalia
Pakaryanaktris
Taun aktif1995 - sapunika
BojoMarkus Horison

Kiki Amalia (lair ing Jakarta, 26 Novèmber 1981; umur 38 taun) inggih punika modhèl lan juru main sinétron sarta filem Indonésia.[1]

Karir[besut | besut sumber]

Kiki miwiti kariripun ing jagad modhèl saking pamilihan Cover Girl kalawarti Aneka ing taun 1995, lan naté dados samak ngajeng kalawarti FHM.[1] Nalika taun 2000, lulusan D3 Bussiness Management London School punika naté dados jawara Wajah Femina, ingkang saged nyurung kariripun. Sadèrèngipun dados bintang sinétron, Kiki naté dados bintang iklan tivi.[1] Sasampunipun punika, Kiki dados bintang sinétron.[1] Sinétron ingkang dipunbintangi déning Kiki ing antawisipun, Legenda Misteri, Wewe Gombel, Bule Betawi, Jodoh Apa Bodoh, Anak Ajaib, sarta sinétron réligius Islami Hidayah lan Rahasia Ilahi.[1] Tilas pacanganipun aktor Henky Kurniawan punika ugi naté dados bintang filem Rantai Bumi.[2]

Kiki ingkang gadhah asma jangkep Andi Kiki Amalia naté dados pranata cara (présènter) acara kontès dangdut, Hajatan Dangdut Mania ing TPI.[1] Sasampunipun suksès dados bintang filem lan présènter, Kiki ingkang gadhah zodiak Sagitarius punika nyobi dados bintang filem malih kanthi main ing filem Mas Suka Masukin Aja ingkang dipunwedalaken déning K2K Production.[1]

Kiki Amalia palakrami kaliyan Muhammad Haris Maulana utawi ingkang misuwur kanthi asma Markus Horison ing tanggal 27 November 2010.[3] Markus Horison punika dados kiper nasional bal-balan Indonésia.[3]

Cathetan suku[besut | besut sumber]

  1. a b c d e f g Kiki Amalia dipunundhuh tanggal 29 Juli 2011)
  2. Kiki Amalia, Diganggu Hantu Saat Syuting dipunundhuh tanggal 29 Juli 2011)
  3. a b Kiki Amalia Resmi Jadi Istri Markus Horison dipunundhuh tanggal 29 Juli 2011)

Pranala njawi[besut | besut sumber]

Kiki Amalia