Juperta Panji Utama

Juperta Panji Utama

Juperta Panji Utama utawi Panji Utama, inggih punika salah satunggaling sastrawan Indonésia ingkang miyos wonten ing Tanjungkarang, Lampung, 25 Agustus 1970. Panji Utama inggih lulusan saking Sarjana Fakultas Pertanian Universitas Lampung lan piyambakipun sampun naté dados anggota Komite Penelitian dan Pengembangan Dewan Kesenian Lampung (Litbang DKL) (1993 - 1996).

Biografi

Panji Utama ageng ing dalemipun tiyang sepuhipun ing Jalan Duku No. 18, Pasir Gintung, Bandar Lampung. Panji Utama sampun naté sinau ing pendhidhikan formal wiwit TK ing TK YWKA Tanjungkarng ing taun 1976 – 1977, lajeng nerasaken sekolah ing taun 1978 ngantos lulus ing taun 1984 ing SDN 1 Tajungagung. Sasampunipun lulus lajeng nerasaken sekolah ing SMP Negeri 4 Tanjungkarang. Lajeng lullus ing taun 1990 saking SMA Negeri 2 Bandarlampung lan nerasaken kuliah ing Fakultas Pertanian Universitas lampung lan lulus ing taun 1997. Ing taun 2005, Panji mendhet Akta Mengajar IV ing FKIP Unila. Kajawi saking sekolah formal, Panji ugi mlebet pendhidhikan informal, kados ta pendhidhikan komputer ing taun 1994 ingkang dangunipun tigang sasi. Nalika taksih kuliah, ing antawisipun taun 1990- 1994, Panji ugi ndhèrèk gladhi nyerat, organisasi, saha relawan sosial, lan ing taun 1999 – 2000, piyambakipun ndhèrèk pelatihan ing babagan seni lan budaya. Lan ing taun ingkang sami, piyambakipun ndhèrèk pelatiyan ing babagan pulitik, inggih punika pendhidhikan anti korupsi saha pamaréntahan bersih.

Padamelanipun

Ing taun 1987 – 1990, Panji dados Ketua Forum Semesta Lampung. Lajeng ing taun 1993 – 1996 ngantos taun 2001, piyambakipun gabung kaliyan Komite Litbang dan Sastra Dewan Kesenian Lampung. Ing taun punika ugi, Panji dados Redaktur tamu Musik dan Film Harian Lampung Post. Ing taun 1996, Panji dados karyawan ing perusahaan perkebunan PTPN VII. Panji ugi asring gadhah kalih padamelan ing setungal wekdal, saking daos Koordinator Wartawan lan Redaktur Budaya Sumatra Post ing taun 1998 – 2001, lan ngrangkep dados asistèn dhosèn Komunikasi Massa, Komunikasi Bisnis, lan Fotografi ing Unversitas Tulang Bawang lan Universitas Lampung (ing taun 1999 – 2000). Lajeng Panji gabung ing Divisi Pendidikan Komite Antikorupsi (KoAK) ing taun 2000 – 2001, lan sukses ing wekdal tigang kalungguhan. Salajengipun, Panji nerasaken makarya dados Redaktur Pelaksana kalawarta Pendar ugi dados Corporate Communication Head Dompet Dhuafa Republika ing taun 2001 – 2002. Lajeng piyambakipun dipunangkat dados Ketua Lembaga Amil Jakat Daerah (LAZDa) Lampung Peduli ing taun 2003 ngantos sapunika. Panji ugi njabat dados Sekretaris Hubungan Kerja Sama dan Komunikasi Masarakat Ékonomi Syariah (MES) Lampung ing periode 2005 – 2008. Namanipun Juperta Panji Utama ugi sampun misuwur ing kalangan BMI Hongkong wiwit Pebruari 2012.

Panji Utama sampun naté maosaken puisinipun ing Mimbar Penyair Abad 21 ingkang dipunadani ing Taman Ismail Marzuki, Jakarta, lan nalika adocara pamosan Sajak Penyair 8 Kota ing taun (1998).

Puisi lan cerpenipun ugi sampun naté kapacak wonten ing kathah médhia, kados ta ing: Daun-Daun Jatuh Tunas-Tunas Tumbuh (1995), Refleksi Setengah Abad Indonesia Merdeka (1995), Negeri Bayang-bayang (1996), Bumi Beramal III (1996), Antologi Cerpen dari Lampung (1996), Antologi Puisi Indonesia (1997), Cetik (1998), Orang-orang Talangsari (2003), Konser Ujung Pulau (2003), Pertemuan Dua Arus (2004), Gerimis dalam Lain Versi (2005), lan sanès-sanèsipun.

Asiling Karya

• Pasar Kabur: Menggali Kubur Sendiri, Menggali Lorong-Lorong (kumpulan sajak, 1996)
• Kibaran Bendera, Hikayat Sang Debu (kumpulan sajak, 1996).
• Refleksi Setengah Abad Indonesia Merdeka (Taman Budaya Suarakarta, 1995),
• Negeri Bayang-bayang (Yayasan Seni Surabaya, 1996),
• Batu Beramal III (S3B Malang, 1996), Dari Bumi Lada (Dewan Kesenian Lampung, 1996, ed.), Mimbar Penyair Abad 21 (Dewan Kesenian Jakarta-Balai Pustaka, 1996), Antologi Puisi Indonesia (KSI-Angkasa Bandung, 1997), Ode Sajak Reformasi Penyair Sumbagsel (Teater Bohemian Jambi, 1998), Dari Pulau Andalas (Taman Budaya Lampung, 1999), Jakarta Dalam Puisi Mutakhir (Dinas Kebudayaan Provinsi DKI Jakarta dan Masarakat Sastra Jakarta, 2000), Konser Ujung Pulau (Dewan Kesenian Lampung, 2002), Orang-orang Talangsari (LBH Bandarlampung dan Kontras Jakarta, 2003), Pertemuan Dua Arus (Jung Foundation dan Diknas Provinsi Lampung, 2004), dan Gerimis (Dewan Kesenian Lampung, 2005).

Kajawi punika ugi kaserat kalih kempalan puisinipun, inggih punika: Pasar Kabut Menggali Kubur Sendiri Membangun Lorong-lorong (Agustus, 1995) dan Kibaran Bendera Hikayat Sang Debu (November, 1996).