Juan Luis Segundo

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados

Juan Luis Segundo, S.J. (lair ing Montevideo, Uruguay, 31 Maret 1925 – tilar donya 17 Januari 1996 kanthi umur70 taun) inggih punika satunggiling imam Yesuit lan téolog ingkang arupi salah setunggil tokoh ingkang paling wigatos salebetipun gerakan ingkang dipuntepangi minangka "Téologi Pambébasan." Panjenenganipun nyerat kathah buku perkawis téologi, idéologi, iman, hermeneutika, lan kaadilan sosial, lan arupi pangecam ingkang kendel dhumateng punapa ingkang dipunsawang minangka kambotenperdulian gréja dhumateng panindhesan lan panandhang.

Segundo ngangsu kawruh ing seminari-seminari Yesuit ing Argentina, ing Louvain, Belgia (lan ing mrika panjenenganipun kepanggih rèncangipun sami-sami mahasiswa Gustavo Gutiérrez) lan ing Sorbonne. Saking mriki panjenenganipun pikantuk gelar doktoripun. Panjenenganipun kundur malih dhumateng Uruguay kanggé madegaken lan mucal ing Pusat Studi Téologi lan Sosial Peter Faber, ingkang dipuntutup déning pamaréntah Uruguay nalika taun 1971. Sasampunipun puniku, panjenenganipun kathah nglampahi lelampahan, maringaken ceramah lan mucal ing univèrsitas-univèrsitas ing Brasil, Kanada, lan Amérika Sarékat, kalebet ing Harvard.

Karya-karyanipun ingkang paling wigatos (dipunpertal saking basa aslinipun, basa Spanyol dhumateng basa Inggris ing antawisipun:

  • A Theology for Artisans of a New Humanity (Téologi kanggé Pambentuk Kamanungsan ingkang Énggal) (5 jilid, 1973-74)
  • The Liberation of Theology (1975-76)
  • Jesus of Nazareth Yesterday and Today (Yésus saking Nazaret, Kala wingi lan Sapuniki) (5 jilid, 1982-88; Jilid 1, Faith and Ideologies, (Iman lan Idéologi) inggih punika ingkang paling misuwur)
  • The Liberation of Dogma (Pambébasan Dogma) (1989-1992)


Sumber[sunting | sunting sumber]

Kim, Hyung-Kon, "Juan Luis Segundo," The Boston Collaborative Encyclopedia of Modern Western Theology, 1999

Sumber artikel punika saking kaca situs web: "http://jv.wikipedia.org/w/index.php?title=Juan_Luis_Segundo&oldid=833640"