Jemaah Islamiyah

Jemaah Islamiyah, kadhangkala diéja Jamaah Islamiah iku siji organisasi militan Islam ing Asia Kidul-wétan kang ngupaya ngadegaké siji nagara Islam raksasa ing wewengkon nagara-nagara Indonésia, Singapura, Brunei, Malaysia, Thailand lan Filipina. Pamaréntah Amérikah Sarékat nganggep organisasi iki minangka organisasi téroris, sauntara ing Indonésia organisasi iki wis dinyatakaké minangka "korporasi terlarang".

Anané organisasi iki disélaki déning pemuka-pemuka agama lan para pulitisi kaya Hamzah Haz lan Amien Rais ngèlingi angèlé mangertèni antara aksi lan tujuwan kang bakal digayuh sajeroning saben aksi.

Miturut informasi intelijèn, Jemaah Islamiyah olèh bantuan kauangan saka golongan teroris liya kaya Abu Sayyaf lan al-Qaeda. Jemaah Islamiyah tegesé "Kelompok Islam" utawa "Masarakat Islam" lan ing warta suratkabar diarani JI.

Jemaah Islamiyah disujanani ngayahi aksi pangeboman Bali 2002 ing tanggal 12 Oktober 2002. Sajeroning serangan iki, pelaku bom saka Jemaah Islamiyah ingaran-sebut niwasaké 202 jiwa nyidrani sawatara liyané ing siji nightclub. Sawisé serangan iki, Departemen Luar Negeri Amérikah Sarékat mratélakaké Jemaah Islamiyah minangka kang ngayahi serangan iki lan nyatakaké minangka Organisasi Teroris manca. Jemaah Islamiyah uga disujanani ngayahi pangeboman Zamboanga, pangeboman Metro Manila, lan pangemboman kadhutaan Australia 2004 ing Jakarta.

Jamaah Islamiyah wewengkon Asia Kidul-wétan

Struktur organisasi JI wewengkon Asia Kidul-wétan

• Zarkasih-Amir
  • Babagan Dakwah
  • Babagan Tarbiyah
  • Babagan Perbekalan
  • Abu Dujana-Babagan Sariyah (militèr)
    • Ishobah I-Sala
    • Ishobah II-Semarang
    • Ishobah III-Surabaya
    • Ishobah IV-Jakarta

Uga delengen

• en:Terrorist organisations in Asia
• en:Islamic Terrorism
• Azahari Husin

Pranala njaba

• cfrterrorism.org page on Jemaah Islamiyah
• "Jemaah Islamiah still a threat"-BBC NEWS article dated August 15, 2003
• "The roots of Jemaah Islamiyah" Archived 2009-07-26 at the Wayback Machine.-CNN.com article dated February 26, 2004
• Rotten.com Article on Jemaah Islamiyah Archived 2004-09-12 at the Wayback Machine.