Jamus Kalimasada

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Yudhistira (Puntadewa) kang duwé pusaka Jamus Kalimasada

Jamus Kalimasada ya iku jeneng salah sawijining pusaka ing jagading pewayangan.[1] Pusaka iki kagungane Prabu Puntadewa kang uga diarani Yudistira.[1] Pusaka iki awujud kitab sekti ing nagara Amarta.[1] Tembung Jamus kalimasadha miturut sumber saka basa Jawa Kuna kadhapuk saka tembung jamus lan kalimahosadha.[2] Tembung jamus cedhak unine karo tembung jamas kang tegesé ‘kramas’, utawa ‘ngresiki rambut nganggo banyu utawa obat ’.[2] Dadi tembung jamus bisa dicedhakake karo tembung jamas kang bisa ditegesi nambani.[2] Déné tembung kalimasadha kadhapuk saka tembung Kali, maha, usadha.[2] Kali tegesé déwa Kali utawa Syiwa, maha tegesé ‘agung’, ‘hebat’, ‘mujarab’.[2] Usadha tegesé obat, tuwuhan, suket, godhong-godhongan kang kanggo obat.[2] Saka katrangan mau, tembung Jamus kalimasadha bisa ditegesi obat mujarab awujud suket utawa godhong-godhongan kang asalé saka Déwa Kali utawa Syiwa.[2] Nanging kudu dingerteni, ana uga panemu kang béda kanyatan ing kasusastraan Jawa kuna arang banget diprangguli tembung kali, maha, lan usadha dirakit dadi siji.[3] Tembung usadha lumrahe dijumbuhake karo tembung mantra.[3] Contone: Sira ta wruh ring mantrosadha sarpabisa (dhèwèké ngerti babagan mantra obat wisa ula) [3]

Kalimasada Ing carita pewayangan[besut | besut sumber]

Jamus Kalimasada diwahyukake marang Pendawa Lima lan diteruskake marang para putrane.[4] Dadi para putra Pendawa Lima minangka pralampita, pangejawantahan saka pancandriya manungsa kang awujud mata, irung, kuping, ilat, lan kulit sarta pérangan awak liyané.[4] Ing carita pewayangan prabu Yudhistira digambarake minangka raja kang ora baut perang nanging gadhah pusaka awujud Jamus Kalimasada, kitab kang duwé daya linuwih.[4]

Cathetan suku[besut | besut sumber]

  1. a b c jamus Kalimasada (diunduh tanggal 3 April 2011)
  2. a b c d e f g [Padiya,M.1978 "Kitabkah Jamus Kalimasada Pusaka Raja Yudhistira Itu?" dalam buletin Fakultas Sastra dan Kebudayaan nomer 6, 1978 Yogyakarta: FS UGM ]
  3. a b c [Zoetmulder,S.J.,P.J.1958 Sekar Sumawur, Bunga Rampai Basa Djawa Kuna. Jakarta: Yayasan Obor ]
  4. a b c tentang jamus kalimasada (diunduh tanggal 7 April 2011)