Istana Maimun

Saka Wikipédia Jawa, bauwarna bébas abasa Jawa
Pura Maimun
Pura Maimun

Pura Maimun inggih punika salah satunggalipun pura ing kitha Medan, Sumatra Lèr, panggeèanipun wonten ing kalurahan Sukaraja, kacamatan Medan Maimun.[1] Pura Maimun dipundesain déning arsitek Italia lan diyasa déning Sultan Deli, Makmun Al Rasyid Perkasa Alamsyah ing taun 1888, Pura Maimun ambanipun kinten-kinten 2 m2 lan 30 ruangan.[1]

Pura Maimun kapilah dados 2 lantai ingkang dipunbagi dados 3 pérangan, inggih punika yasan utama, sayap kiwa, lan sayap tengen.[2] Wonten ing ngajengipun Pura Maimun, kirang langkung 100 mèter, wonten Masjid Al-Maksum ingkang dipunkenal kanthi nama Masjid Raya Medan.[2] Ing ruang tamu (balairung) panjenengan saged mirsani tahta ingkang didominasi warna kuning.[2] Crystal nyinari lampu tahta, wujud saking prabawa kabudayan saking Éropah.[2] Ruangan ingkanmg ambanipun 412 m persegi punika dipun-ginakaken kanggé penobatan Sultan Deli utawi acara tradisional sanèsipun.[2] Balairung ugi dipun-ginakaken kanggé panggènan Sultan nampi pujian saking seduluripun lan kulawarga ing dinten libur Islam.[2]

Pura Maimun sapunika dados tujuan wisata boten namung amargi yuswanipun ingkang sampun sepuh, nanging ugi ''desain interior'' inhkang saé lan unik, ingkang ndapukaken warisan kabudayaan Melayu, kaliyan kabudayan Islam, Spanyol, India lan Italia, nanging kahananipun sapunika kirang kaurus.[2] Manawi kita nglewati Pura Maimun punika wonten ing wayah sore, kita bisa mirsani lare-lare ingkang sami dolanan bal-balan wonten ing latar Pura Maimun punika.[2]

Cathetan suku[besut | besut sumber]

  1. ^ a b Istana Maimun Warisan Kesultanan Deli di Medan (Dipuntingali tanggal 26 Juli 2011)
  2. ^ a b c d e f g h Istana Maimun (Dipuntingali tanggal 26 Juli 2011)