Ikea
IKEA iku sawijining toko prabotan kanggo isi omah saka nagara Swèdhen. Ing mangsa anyep 2004, wis ana 202 toko IKEA ing 32 nagara ing donya lan watara 20 manèh kang bakal dibukak ing taun 2005. Katalog IKEA kang isiné info produk IKEA dikira-kira minangka buku kang pendistribusiané paling akèh kaloro sawisé Alkitab lan racaké direvisi saben sasi Agustus. Nganti saiki IKEA durung ndarbèni toko ing Indonesia.
Pangucapan IKEA ya iku /i'ke.a/ kaya déné cara maca basa Indonesia nanging pangucapan liyané kang uga kerep dipigunakaké ya iku /aɪ'ki:ə/ kaya déné tembung basa Inggris, idea.
Sajarah
[besut | besut sumber]
Petunjuk: Memiliki toko IKEA Sedang dibangun/direncanakan Former market locations Tidak ada/direncanakan toko IKEA
Perusahaan ini diyasa déning Ingvar Kamprad taun 1943 wektu dhèwèké isih umur 17 taun kang saiki wis dadi salah siji milyunèr ing donya. IKEA iku cekakan saka jenengé, Ingvar Kamprad; panggonan dilairaké, Elmtaryd; lan désané, Agunnaryd.
Wiwitané, IKEA dodol warna-warna barang, saka pulpèn, dompèt, bingkai foto, nganti tekan arloji. Prabotan wiwit lumebu sajeroning pratélan ing taun 1947 lan IKEA wiwit ngrancang dhéwé taun 1955.
Cara dodolané, wiwitané liwat pos, banjur siji toko dibukak ing Älmhult kang banjur dadi model toko IKEA kanggo saterusé. Tanggal 23 Maret 1963, toko IKEA pisanan ing jaba Swèdhen dibukak ing Asker, cedhak Oslo, Nurwègen.
Produk
[besut | besut sumber]Produk IKEA dikenal kanthi rancangané kang modern lan kadhangkala kagolong anèh. Salah siji prinsip IKEA ya iku ngurangi rega kanthi manéka cara tanpa ngurangi kualitas. Bab iki bisa dideleng ing toko-toko IKEA lan ing katalogé, wujud pitakonan kaya: "Kenapa IKEA ngadol tanpa dirakit?" utawa "Kenapa IKEA nggawé akèh-akèhan?" utawa "Kenapa ora biyasa?". Jeneng-jeneng produk IKEA uga unik banget lan ora biyasa.
Toko
[besut | besut sumber]Toko IKEA akèh-akèhé awangun balok biru kang gedhé kanthi jendhela kang minim. Penataan tokoné, biyasa diatur saéngga pengunjung teka lan lumebu pérangan ruang pamèr kanggo ndeleng warna-warna produk, nuli menyang market-hall, panggonan barang-barang cilik, terus menyang gudhang kanggo njupuk perabot kang arep dituku lan pungkasané tekan kasir. Jalur kang digawé ngarahaké pengunjung supaya ngliwati saindhenging toko lan ana uga dalan pintas kang rada cilik. Ing tlatah Asia Pasifik sawatara iki durung akèh tinemu toko IKEA, kang wis ana ya iku ing Australia, Cina, Jepang, Hongkong, Taiwan lan Singapura.
Lumrahé, toko dumadi saka rong tingkat kanthi ruang pamer lan market-hall ing pérangan dhuwur lan gudang ing ngisor. Kadhangkala, ana uga restoran kang dodol panganan Swèdhen kalebu Bakso Swèdhen kang khas.