Ibnu Haitam

Saka Wikipédia, bauwarna bébas basa Jawa

Ibnu Haitam ya iku penemu teori pandelengan utawa optika.[1] Déning wong Barat, dheweke diarani Al-Hazen.[1] Dheweke lair taun 965 M ing Basra, Irak.[1] Nalika isih cilik, dheweke ana ing Basra lan Baghdad, ya iku rong kutha kang dadi pusat elmu pengetahuan Dinasti Abbasiyah nalika iku.[1] Ibnu Haitam banjur lunga menyang Andalusia, Spanyol.[1] Nalika iku, Andalusia dadi kiblat elmu pengetahuan Éropah.[1] Ing kono dheweke kepencut nyinaoni babagan optika.[1]

Ibnu Haitam menehi sumbangan kang paling gedhe tumrap elmu pengetahuan modern.[2] Dheweke kandha yen benda kang bisa dideleng iku mantulake cahya tumuju mripat manungsa.[2] Teori optika kang dijlentrehake mrabawani ilmuwan Éropah, kayata Roger Bacon lan Johannes Keppler.[2] Riset ilmiah iki dadi cikal bakal panalitene ilmuwan Barat.[2] Pamanggihe ing bidhang astronomi ngenani lapisan atmosfer lan perkiraane ngenani jarak srengenge karo benda-benda angkasa liyane, uga dipercaya nyepetake panemon-panemon ilmuwan Barat ngenani kosmologi modern.[2] Nalika ing Spanyol, Ibnu Haitam nganakake panaliten lan percobaan ilmiah ing bidang optika.[2] Panemon kang misuwur ya iku ukum refraksi kang unine sudut refleksi ing pancaran cahya padha karo sudut kang mlebu ing fisika modern.[2] Ukum iki dikenal kanthi aran ukum refraksi snell kang nganggo patokan saka fisikawan Walanda ya iku Broed Van Roijen Snell.[2] Pungkasane Ibnu Haitam netep ana ing Kairo, Mesir.[2] Ing kono dheweke dadi ahli matematika nganthi tinggal donya taun 1039.[2]

Cathetan suku[besut | besut sumber]

  1. ^ a b c d e f g (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 130]
  2. ^ a b c d e f g h i j (id) [Muchlisin Asti, Badiatul, dkk. 2009.105 Tokoh dan Perintis Dunia.Yogyakarta:Narasi Hal. 131]
Sumber artikel punika saking kaca situs web: "https://jv.wikipedia.org/w/index.php?title=Ibnu_Haitam&oldid=1038145"