Hugo Grotius

Saka Wikipédia Jawa, bauwarna bébas abasa Jawa
Hugo Grotius
Lair 10 April 1583
Delft, Walanda
Pati 28 Agustus 1645
Rostock, Pomerania
Tlatah Filsafat Barat
Aliran Hukum Alam, Kontrak Sosial, Humanisme, Skolastisisme
Karsa pokok
Filsafat Perang, Hukum Internasional, Filsafat Pulitik, Teologi

Hugo Grotius utawi Hugo de Groot' (1583-1645) ya iku filsuf Walanda kang dadi pelopor saka pandhangan-pandhangan modern tumrap hukum internasional lan salah sawijining pemikir gedhé babagan hukum alam.[1] Kejaba dadi filsuf, Grotius uga dikenal minangka pengacara, penyair, lan teolog.[2] Ing bidhang hukum, Grotius wis dadi penengah antarané teori pulitik lan hukum masa Abad Pertengahan karo masa Pencerahan.[2] Kejaba iku, Grotius uga wis ngembangaké sawijining pandhangan anyar babagan hukum alam kanggo nglawan pandhangan-pandhangan aliran skeptisisme, uga kanggo nuduhaké bilih ana wangsulan kang rasional babagan moral kejaba wangsulan saka agama.[1]

Salah sawijining karya Grotius kang kawentar ya iku "Perihal Hukum Perang dan Perdamaian" (The Law of War and Peace) kang terbit taun 1625.[2] Ing karya kasebut, Grotius nggaw argumentasi bilih manungsa hakikaté ya iku makhluk sosial lan makhluk kang padha saingan.[1] Nanging, manungsa bisa urip kanthi tenterem sanadyan bisa wa kadadéyan masalah ing awaké.[1] Perkara iku bisa digayuh kanthi cara ngurmati hak-hak saben wong.[1]

Cathetan suku[besut | besut sumber]

  1. ^ a b c d e (en)Jerome B. Schneewind. 1999. "Grotius, Hugo". In Cambridge Dictionary of Philosophy. Robert Audi, ed. 356.
  2. ^ a b c (en)Ted Honderich, ed. 1995. The Oxford Companion to Philosophy. New York: Oxford University Press. P. 328.


Sumber artikel punika saking kaca situs web: "https://jv.wikipedia.org/w/index.php?title=Hugo_Grotius&oldid=1086960"