Hugh Jackman

Saka Wikipédia Jawa, bauwarna mardika basa Jawa
Hugh Jackman
Pakaryan Aktor
Sisihan Deborra-Lee Furness
(1996–saiki)

Hugh Michael Jackman (lair 12 Oktober 1968; umur 55 taun) dhèwèké iku aktor kang kebangsaané saka Australia, dhèwèké tau menangaké Tony Award ning filem The Boy from Oz, lair ning Sydney, Australia wiwit karir ning dunya hiburan awit taun 1999, ya iku aktor lan prodhuser filem saka Australia.[1] Aktingé kondhang nalika meranaké Wolverine ning filem kang judhulé X-MAN kang dirilis nalika taun 2000, filem arahan sutradara Bryan Singer.[1] Sadurungé lumebu dunya akting ning dunya filem layar lebar, Jackman iku aktor pertunjukan theater lan serial TV, sadurungé iku ning taun 1991 dhèwèké berakting ning Erskineville Kings lan Paperback Hero.[1] Ora namung iku, serial TV kang tau dibintangi dhèwèké iku kaya ta, Law of the Land, Halifax f.p., Blue Heelers lan Snowy River: The McGregor Saga.[1]

Nalika esih main ning theater, amarga pertunjukan teater The Boy from Oz, dhèwèké bisa menangaké ajang Tony Award.[1] Ning kisah kauripan pribadiné. dhèwèké nikah karo aktris Deborra-Lee Furness.[1] Pista pernikahané ditindakaké nalika sasi April taun 1996.[1] Deborra dhéwé iku kancané dhéwé nalika dolanan peran ning filem TV.[1] Film Tivi mau judhulé Correlli, serial TV kang diputer ning stasiun televisi ning Australia.[1]

Bebarengan karo artis Nicole Kidman, akir taun 2008 Jackman dolanan peran manèh ning filem AUSTRALIA, filem kang disutradarani sutradara Baz Luhrmann.[1] Jackman nalika iku meranaké peran dadi koboi ning filem kang diprodhuksi déning 20th Century Fox mau iku.[1]

Nalika acara perhelatan insan filem donya, utawa acara Academy Awards kang kaping 81.[1] Tanggal 22 Januari taun 2009, Jackman didapuk dadi host acara kang gedhé iki bebarengan karo Anne Hathaway.[1] Jackman uga dipercaya manèh mainaké karakter Wolverine ning filem franchise X-MEN.[1] Film Wolverine mau judhulé X-MEN ORIGINS: WOLVERINE.[1]

Taun 2011, Jackman nyoba kanggo main filem ning dunya filem Bollywood.[2] Dhèwèké wiwit remen karo dunya filem Bolywood nalika didapuk dadi juri ning acara taunan konvensi FICCI Frames nalika tanggal 23 nganti tanggal 25 Maret taun 2011.[2]

Cathetan suku[besut | besut sumber]

  1. a b c d e f g h i j k l m n o biografi Hugh Jackman dipununduh tanggal 27 Juli 2011
  2. a b berita Hugh Jackman dipununduh tanggal 27 Juli 2011