Hesperides

Saka Wikipédia Jawa, bauwarna mardika basa Jawa

Wonten ing mitologi Yunani, Hesperides (Grikenlan: Ἑσπερίδες) punika para nimfa ingkang remen nembang (nyanyi) lan mapan wonten ing taman ingkang éndah ing pojok kilèn donya, wonten ing caketipun paredèn Atlas [1]. Déné miturut penyair Yunani saking Sisilia, Stesikhoros, para Hesperides mapan wonten ing Tartessos, satunggaling papan ing pérangan kidul ujung Iberia. Wonten tiga Hesperides, salah satunggalipun punika Hesperis utawi Hesperus ingkang kalebet nimfa senja.

Taman Hesperides[besut | besut sumber]

Kebon Hesperides, karyanipun Lord Leighton Frederick, 1892.

Taman Hesperides inggih punika kebon kagunganipun Hera. Ing taman punika tuwuh wit ingkang wohipun apel emas [2]. Wit apel punika dipuntandur saking pang (ranting) ingkang dipunparingaken Gaia dhateng Hera minangka bebungah (bebungah) nikahanipun Hera kaliyan Zeus. Para Hesperides dipunparingi tugas supados ngrawat kebon punika, nanging kadang kala piyambakipun ngopek kanggé awakipun piyambak. Nanging amargi boten pitados marang para Hesperides, Hera lajeng mapanaken naga kanthi sirah satus ingkang boten naté sare kanthi nama Ladon minangka tambahan kanggé njagi kebon mau.

Tugas kaping sewelas Herakles[besut | besut sumber]

Sasampunipun Herakles ngrampungaken tugas ingkang kaping sedasa, Euristheus maringaken tugas tambahan kalih. Ingkang kapisan punika nyolong apel saking kebonipun Hesperides. Herakles lajeng nyekel Nereus (déwa laut ingkang ahli ngewahi wujudipun) supados mangertos papan kebon Hesperides. Wonten ing lelampahanipun, Herakles kepanggih kaliyan Antaios ingkang boten saged kalah nalika kaliyan ibunipun, Gaia (bumi). Herakles matèni Antaeus kanthi cara dipunangkat dhuwur sanget lan dipunremukaken ing angin. Miturut Herodotos, Herakles ugi naté mandeg ing juga sempat berhenti di Mesir. Raja Busiris ngersakaken ndadosaken Herakles kurban taunan, nanging Herakles saged ucul saking rante ingkang kaginakaken kanggé naleni Herakles.

Sasampunipun dugi ing kebon Hesperides, Herakles nyuwun Atlas supados mendhet apel emas kanggé piyambakipun. Herakles nawekaken piyambakipun kanggé mikul langit lajeng Atlas mendhet apel (wonten ing versi punika Atlas mau bapak saking para Hesperides). Sasampunipun kondur Atlas boten purun malih mikul langit lan nawekaken piyambakipun supados ngeterke apel punika. Herakles lajeng sarujuk kanthi syarat Atlas purun mikul langit sekedhap malih déné Herakles ngleresaken posisi jubahipun supados langkung kepénak. Atlas sarujuk, nanging sasampunipun Atlas mikul langit malih, Herakles langsung mbeta apelipun lan kesah. Miturut versi sanèsipun, Herakles matèni Ladon supados pikantuk apelipun.

Cathetan suku[besut | besut sumber]

  1. http://satulingkar.com/detail/read/10/297/hikayat-sebuah-taman Archived 2016-03-04 at the Wayback Machine., (id) Hikayat sebuah taman (dipunakses tanggal 31 Januari 2013).
  2. http://id.prmob.net/apel/aphrodite/mcintosh-852760.html, (id) Apel dan peran mereka dalam waktu (dipunakses tanggal 31 Januari 2013).

Pranala njawi[besut | besut sumber]

Cithakan:Tugas Herakles