Hersri Setiawan

Hersri Setiawan

Hersri Setiawan ingkang miyos tanggal 3 Mèi 1936 ing Yogyakarta) inggih punika salah satunggaling sastrawan Indonésia ingkang sampun naté dipuntahan ing Pulo Buru amargi piyambakipun katut ing Lekra ing taun 1950-an.

Riwayat Pagesanganipun

Hersri Setiawan inggih satunggaling sosiolog ingkang lullus saking Universitas Gadjah Mada saha akademi Seni Drama dan Film ing Ngayogyakarta. Wiwit taksih kuliah, piyambakipun sampun aktip ing penerbitan pers saha kabudayan. Piyambakipun lajeng dados aktivis Front Nasional saha Lekra lan piyambakipun dados Ketua Lekra Cabang Jawa Tengah. Ing taun 1961 – 1965 Hersri Setiawan dipunangkat dados wakil Indonésia wonten ing organisasi Persatuan Pengarang Asia-Afrika lan dipunpapanakn wonten ing pusat organisasi ing Kolombo, Sri Lanka. Amargi wonten gejolak pulitik ingkang dipunjalari kaliyan wontenipun gantos kakuasan ing nagara kasebat, mila ing sasi Agustus 1965, Hersri kondur malih dhateng Indonésia. Nanging ing nagara miyosipun kasebat, piyambakipun kedah ngraosaken wontenipun pergolakan ugi ingkang langkung ageng, inggih punika wontenipun prastawa G30S ingkang kadaosan sesasi sabibaripun piyambakipun kondur dhateng Indonésia. Amargi organisasi ingkang dipuncepeng Hersri dipunanggep wonten gayutanipun kaliyan Parté Kuminis Indonésia, Hersri lajeng dipunanggep mlebet wonten ing G30S/ PKI, lan awit saking punika piyambakipun dipuncekel lan dados tawanan politi ing jaman [[Orde Baru. Anggènipun dipunkunjara, papan kunjaranipun saking RTC (Rumah Tahanan Chusus) Salemba, lajeng dhateng kunjara Tangerang, lan dipunkunjara dangu ing Pulo Buru dangunipun sangang taun wiwit taun (1969 – 1978) Sasampunipun uwal saking Buru, Hersri lajeng makarya dados panulis, editor, saha panarjemah. Nanging, amargi piyambakipun gadhah gelar stigma “eks-tapol” ing jaman orde Baru, karya-karyanipun ingkang lajng dipunwedalaken asring dipunserat tanpa namanipun utawi dipunserat mawi sandhi asma. Hersri ugi sampun naté dados penyunting kanggé “Ensiklopedia Indonésia” kathahipun 7 jilid ingkang dipunwedalaken déning PT Ikhtiar Baru-Van Hoeve. Ing antawisipun taun 1987 ngantos 2004, Hersri dumunung ing pengasingan ing Walanda. Lajeng ing taun 2004, Hersri kondur ing Indonésia lan sapunika gadhah dalem ing Jakarta lan Yogyakarta.

Asiling Karya

• "Masalah Pendewasaan Anak-anak di Pulau Buru" (1981?)
• "Pengantar Kajian Ranggawarsita"
• "Between the Bars" dalam Frank Stewart, "Silenced Voices"
• Dunia yang belum sudah (1993)
• Nagara Madiun?-kesaksian Soemarsono, pelaku perjuangan (2002)
• Aku eks-tapol (2003)
• Kamus Gestok (2003)
• Memoar Pulau Buru (2004)
• Soekarno Menggugat, Soeharto Sehat (ko-penulis) (2006)
• In Search of Silenced Voices (rekaman wawancara kaliyan warga masarakt Indonésia ingkang gsang wonten ing pengasingan)