Guwa Petruk
Guwa Petruk minangka situs geologi ingkang kawangun saking proses alam ing Kawasan Karst Gombong Selatan, dumunung ing Dusun Mandayana, Desa Candirenggo, Kecamatan Ayah, Kabupaten Kebumen, Provinsi Jawa Tengah, Indonesia .[1][2] Guwa puniki, ingkang kabeh kawangun saking watu gamping, dawane nganti 2 km[3][4] kanthi dawa jelajah 100 meter nganti 664 meter, jembaré rata-rata 14 meter, lan dhuwuré rata-rata 32 meter. Guwa puniki wonten ing 7 km saking Guwa Jatijajar, 38 km saking pusat Kutha Kebumen lan 24 km saking Gombong nggunakake kendaraan pribadi utawa transportasi umum.
Panggonan
[besut | besut sumber]Guwa Petruk puniki dumunung wonten ing Dusun Mandayana, Desa Candirenggo, Kecamatan Ayah, Kabupaten Kebumen, Provinsi Jawa Tengah, Indonésia.[4] Jeneng Petruk asale saking watu ( stalaktit / stalagmit ) wonten ing guwa kang wujude kados irunge Petruk, jenenge paraga Ponokawan, putrane Ki Semar, dhuwur, ananging irunge mancung.[5] Ananging amarga wonten tambang fosfat nalika jaman kolonial Walanda, watu ingkang awujud irunge Petruk wau pecah lan saniki sampun boten katon maneh. Guwa Petruk kaperang dados tigo bagian. Kajaba puniku, wonten stalaktit lan stalagmit ingkang tesih asli wujude meh sami kaliyan dhadha, tugu pancuran, klambi putih lan semar. Pérangan pisanan mung ana kelelawar sing mambu ora enak. Dene papan ingkang kaping kalih dipunsebat Guwa Semar saha ingkang kaping tiga dipunwastani Guwa Petruk. Beda karo Guwa Jatijajar, Guwa Petruk isih tetep lestari alam, malah boten kenging dipunpadhangi listrik.
Guwa Petruk sampun dangu dipunbukak kanggo turis umum dening pemerintah Kabupaten Kebumen . Supados saged mlebet ing guwa iki, dipunsedhiyakake peralatan kayata headlamp, spatuboots, sandhangan anti banyu (coveralls), helm pelindung sirah lan pemandu. Pemandu wisata bakal tansah ngancani pengunjung lan nggawa lampu daya minangka saged dados penerang. Wonten ing wisata Guwa Petruk menika wonten fasilitas penunjang kados mushola, parkiran lan warung. Kajaba puniku, wonten sawetara Home Stay kanggo turis saking njaba wilayah Kebumen. Kejaba mlebet wonten ing Guwa Petruk, obyek wisata seluas 0,51 hektar puniki saged nindakake hal-hal menarik liyane kayata panjat tebing ing Tebing Putih Petruk.
Referensi
[besut | besut sumber]- ↑ Dimyati, Vien (2023-01-18). "Harga Tiket Masuk Goa Petruk dan Keindahan di Dalamnya, Ada Air Terjun dan Batu Purba!". iNews.ID (ing basa Indonesia). Dibukak ing 2023-10-14.
- ↑ "Keindahan Gua Petruk". detikTravel (ing basa Indonesia). Dibukak ing 2023-10-14.
- ↑ "Petruk, Jawa Tengah"". Diarsip saka sing asli ing 2018-08-21. Dibukak ing 2018-08-21.
{{cite web}}: Unknown parameter|dead-url=ignored (|url-status=suggested) (pitulung) - ↑ a b digsa.id. "Pariwisata Provinsi Jawa Tengah | Destinasi Wisata | GUA PETRUK". visitjawatengah.jatengprov.go.id (ing basa Inggris). Dibukak ing 2023-10-14.[pranala mati permanèn]
- ↑ Wisnu, Yesaya (2021-07-26WIB11:45:05+00:00). "Menelusuri Gua Terindah se-Indonesia di Kebumen". Solopos.com (ing basa Indonesia). Dibukak ing 2023-10-14.
{{cite web}}: Check date values in:|date=(pitulung)[pranala mati permanèn]
- (ing basa Indonésia) Gua Petruk (Situs Resmi Pemkab Kebumen) Archived 2015-02-13 at the Wayback Machine. Diarsipkan 2015-02-13 di Wayback Machine.
- (ing basa Indonésia) Pemandu Wisata Gua petruk Kebumen Diarsipkan 2017-08-27 di Wayback Machine.