Guwa Jatijajar

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Guwa Jatijajar iku salah sawijining papan wisata ing Kabupatèn Kebumèn, ya iku ing désa Jatijajar, kacamatan Ayah. Guwa alam iki minangka guwa kapur kang tinemu déning tani kang lagi golèk suket ya iku Jayamenawi.

Guwa iki dijjenengaké Guwa Jatijajar amarga ing ngarep guwa iku ana wit jati cacah loro jèjèran. Ana kang nduwéni pamanggih yèn guwa iki kanggo papan semèdi Radèn Kamandaka. Cerita Kamandaka saiki kondhang kanthi legènda Lutung Kasarung. Ing guwa iki uga ana diorama-diorama kang nggambaraké legènda Lutung Kasarung.

Mitos[besut | besut sumber]

Ing guwa Jatijajar ana sendhang cacah pitu, nanging mung papat kang bisa dicedhaki ya iku Sendhang Puser Bumi, Sendhang Jombor, Sendhang Mawar lan Sendhang Kantil. Masarakat ngandel yèn Sendhang Mawar lan Sendhang Kanthil bisa gawé awèt enom yèn raup ing kono. Déné wisatawan éntuk menyang Sendhang Puser Bumi lan Sendhang Jombor mung kanthi ijin juru kunci. Padatan wong kang mlebu sendhang iku wong kang nduwéni kepènginan.

Batuan[besut | besut sumber]

Ing njero Guwa Jatijajar ana akèh banget Stalagtit lan Stalagmit ugi Pilar utawa Tiang Kapur. Pilar utawa Tiang Kapur iku ya iku papan anggoné ketemu antawis Stalagtit lan Stalagmit. Kabèh iku kadhapur saka endapan tetesan banyu udan kang bereaksi kaliyan watu-watu kapur kang ditembuse. Miturut para ahli, stalagtit lan stalagmit iku mau kadhapur kanthi mbutuhake wektu kang suwé banget. Ana ing setahun stalagtit iku kadhapur paling kandel 1 cm, amarga iku Guwa Jatijajar kagolong guwa kapur kang tuwa banget. Watu-watu ana ing njero Guwa Jatijajar kagolong wis tuwa banget. Amarga iku, ana ing njaba Guwa Jatijajar diyasa patung kéwan purba Dino Saurus kanggo simbul saka objek wisata Guwa Jatijajar. Saka mulut patung iku metu banyu, saka sendhang kanthil lan sendhang mawar. Banyu iku urung tau asat saben taune. Banyu iku dimanpaatke warga sakitare Guwa kanggo irigasi sawah dhusun Jatijajar lan liya-liyané.

Pranala njaba[besut | besut sumber]