Gunung Olimpus

Saka Wikipédia Jawa, bauwarna bébas abasa Jawa
Gunung Olimpus
Èlevasi 2,918 metres (9,573 ft)
Prominèn 2,355 metres (7,726 ft)
Isolasi 254 kilometres (158 mi)
Gunung Olimpus

Gunung Olimpus kalebu gunung kang paling dhuwur kang manggon ing Yunani.[1] Gunung kang dhuwuré 2919 meter[1] iki manggon kurang luwih 100 km saka Thessalonika, kutha kang gedhéné nomer loro ing Yunani.[2] Gunung iki manggon ing antarané kutha Tesalonika lan Makedonia.[1] Gunung iki misuwur akèh tandurané.[1]

Puncak kang paling dhuwur ing gunung iki ya iku Mitikas. Dhuwuré ya iku 2919 meter.[1] Ing basa Yunani Mitikas tegesé irung.[1] Mitikas uga dadi puncak kang paling dhuwur ing Yunani. Sawisé Mitikas puncak kang paling dhuwur ya iku Skolio kang dhuwuré 2912 meter.[1]

Saben pendakian kang tujuwané Gunung Olimpus, kawiwitan saka kutha Litochoro kang biyasané diarani kuthané para Déwa awit papané kang manggon ing sikil Gunung Olimpus.[2]

Gunung Olimpus dikenal dadi gunung kang dienggoni para déwa.[2] Gunung iki dadi omahé para déwa.[2] Olimpus tetep keker nalika ana angin lan udan, uga nalika ana udan salju. Olimpus tetep resik lan kétok ana mégané kang resik.[2]

Gunung Olimpus kacathet dadi gunung kang sugih tanduran lan spesies endemik.[2] Gunung iki dadi taman Nasional kang ijo lan dadi biosfer donya kang kudu dijaga.[2]

Gunung Olimpus lan taman nasional ing sakupengé gunung dipilih dadi motif utama kanggo koin euro kang dhuwur pangajiné ya iku: €10 National Park Olympus commemorative coin, kang dicithak taun 2005.[1]

Cathetan sikil[besut | besut sumber]

  1. ^ a b c d e f g h Gunung dan flora di Yunani greekmountainflora.info(diundhuh tanggal 16 Juni 2011)
  2. ^ a b c d e f g Geografi Yunani angelfire.com(diundhuh tanggal 16 Juni 2011)