Fisika plasma

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Fisika plasma iku salah sawijining babagan saka fisika sing nyinaoni gas kaionisasi sing ditepungi minangka plasma.

Sajeroning fisika lan kimia, plasma (uga diarani gas kaionisasi amarga kawangun saka benda asifat gas sing kaionisasi déning panas) ya iku kaanan benda fase-gas mawa ènèrgi, sing asring diarani "kaanan benda kapapat", sing sapérangan utawa kabèh elektron ing orbit atom paling njaba wis kapisah saka atom utawa molekul. Asilé ya iku sawijining kolèksi ion lan elektron sing ora kaiket manèh siji lan sijiné. Amarga partikel-partikel iki kaionisasi (mawa momotan), gas iki solah bawané béda saka gas biyasa, contoné, tekané medan elektromagnetik. Kaanan benda iki pisanan diidhèntifikasi déning Sir William Crookes taun 1879, lan diarani "plasma" déning Irving Langmuir taun 1928.

Perlakuan "fluid" biyasa teka saka kombinasi pepadhan Navier Stokes dinamika fluid lan pepadhan Maxwell Elektromagnetisme. Asil saka himpunan pepadhan iki, kanthi prakiran sing pas, diarani Magnetohidrodinamika (utawa MHD cekaké).

Fisika plasma wigati banget sajeroning astrofisika. Akèh obyèk-obyèk astronomi, kalebu lintang, piringan accretion, nebula, lan interstellar medium, kapérang saka plasma. Fisika plasma uga wigati sajeroning èlmu aerodinamika kaya ta hipersonik, amarga ing kacepetan hipersonik, interaksi saka gelombang kejut (shockwave) lan lapisan watesan nyiptakaké panas sing ngionisasi udara ing kiwa-tengené badan pesawat mau. Iki dumadi, contoné, nalika pesawat ulang-alik mlebu manèh nuju atmosfir bumi. Fisika plasma uga dipigunakaké sajeroning nyinaoni fusi nuklir amarga akèh réaksi fusi dumadi sajeroning plasma.

Pirsanana uga[besut | besut sumber]

Pranala njaba[besut | besut sumber]