Elvis & Nixon

Saka Wikipédia Jawa, bauwarna bébas abasa Jawa
Elvis & Nixon
Elvis & Nixon poster.png
Theatrical release poster
Disutradarani Liza Johnson
Diprodhuseri
Ditulis déning
Dibintangi
Dimusiki Ed Shearmur
Sinématografi Terry Stacey
Dibesut déning Michael Taylor
Sabine Hoffman
Perusahaan
prodhuksi
  • Autumn Productions, Inc. * Elevated Films * Holly Wiersma Productions * Johnny Mac & David Hansen Productions * Benaroya Pictures
Dibabar déning
Tanggal metu
  • April 22, 2016 (2016-04-22) (United States)
Suwéné
86 minutes[1]
Nagara United States
Basa Inggris
Rantaman $4 million[2]
Kalarisan $1.4 million[3]

Elvis & Nixon inggih punika filem sandhiwara komedi biografi saking Amérika Sarékat ingkang kadamel taun 2016. Filem punika dipunsutradarani Liza Johnson, adhedhasar skénario anggitanipun Joey Sagal, Hanala Sagal, lan Cary Elwes. Para juru paraga ingkang dipunpracaya maragani filem punika antawisipun Kevin Spacey minangka Présidhèn Amérika Sarékat, Richard Nixon lan Michael Shannon minangka Elvis Presley, ingkang nyariyosaken mligi babagan kadadosan patemon ing surya 21 Désèmbèr 1970 antawisipun kalih tokoh wau ing Gedhung Pethak. Ingkang maragani sanèsipun inggih punika Alex Pettyfer, Johnny Knoxville, Colin Hanks, lan Evan Peters. Elvis & Nixon dipunbabar kagem sagung pamirsa ing surya 22 April 2016 déning Amazon Studios lan Bleecker Street.[4]

Lelampahan[besut | besut sumber]

Satunggalipun wanci énjang surya 21 Désèmbèr 1970, juru paraga/penyanyi, Elvis Presley ketawis rawuh wonten Gedhung Pethak, nyuwun pepanggihan kaliyan Présidhèn Amérika Sarékat, Richard Nixon. Presley rumaos awrat kaliyan pangginaan narkoba, kaum hippies, Mahasiswa kagem Masarakat Demokratis, lan Panther cemeng; piyambakipun nyuwun supados Nixon ndhapuk piyambakipun minangka agèn Biro Pananggulanan Bebaya Narkotika.[5][6] Dwight Chapin lan Egil Krogh minangka juru bantunipun Nixon mranatani pepanggihan punika. Wiwitanipun, Nixon rumaos mboten kepranan, nanging sadangunipun patemon, piyambakipun nemokaken wontenipun kajumbuhan: sami-sami pribadi ingkang sumanak lan tansah sumadya lelabetan amrih kasilipun, lan kekalihpun rumaos lelabetanipun mboten dipunregani déning budaya Amérika ingkang awit dangu dèrèng dipunmangertosi. Tiyang kalih wau pepisahan kanthi saé, mundhut sungging sarira sesarengan. Lan awit surya 16 Fèbruari 1971, Nixon tansah ngrekam saben patemon lan sesambetan tilpun ing Kantor Oval.

Ingkang maragani[besut | besut sumber]

Latar wingking[besut | besut sumber]

Nixon lan Presley ing Kantor Oval surya 21 Désèmbèr 1970.

Ing surya 5 Novèmber 2014 wonten pawartos bilih Kevin Spacey lan Michael Shannon neken prajanjen badhé maragani minangka Richard Nixon lan Elvis Presley kagem satunggalipun filem sesirah Elvis & Nixon, ingkang skénarionipun kaanggit déning Joey Sagal, Hanala Sagal lan Cary Elwes, nyariyosaken kalih tokoh misuwur ingkang pinanggih ing Gedhung Pethak, taun 1970. Ing surya 11 Novèmber, Sony Pictures Worldwide badhé mundhut filem punika saperlu dipundum kagem sagung pamirsa. Ing surya 16 Januari 2015, gangsal juru paraga mratélakaken nyawiji wonten proyèk filem punika antawisipun Colin Hanks, Johnny Knoxville, Alex Pettyfer, Tracy Letts, lan Sky Ferreira. Pettyfer maragani minangka pacanganipun Elvis, Jerry Schilling, ingkang dhumateng Washington, D.C. sesarengan piyambakipun, Hanks maragani minangka Egil Krogh, pokrul lan pegawé kantor présidhèn, Knoxville maragani minangka pangarsa kaamanan Elvis, sawatawis Ferreira maragani minangka pandhemen Jerry. Ing surya 4 Fèbruari, sekawan juru paraga sanèsipun ugi mlebet, antawisipun Ashley Benson, Tate Donovan, Poppy Delevingne, lan Dylan Penn. Benson maragani minangka pegawé American Airlines, Donovan maragani minangka pangarsa Gedhung Penthak H. R. Haldeman, Delevingne maragani minangka pramugari sadangunipun Elvis tindak dhumateng Washington D.C., sawatawis Penn kadhapuk dados pegawé hotel. Pandamelan filem punika kawiwitan ing surya 12 Januari 2015, ing New Orleans, Louisiana. Kajawi saking punika, pamundhutan gambar ugi katindakaken wonten Shreveport, Louisiana dan Los Angeles, California. California. Pangiring panyerat, Joey Sagal, putranipun sutradara Boris Sagal, naté pinanggihan kaliyan Elvis samangsa taksih alit, nalika ramanipun nyutradarani para juru paraga ing filem Girl Happy, taun 1965.[7]

Pambabaran[besut | besut sumber]

Surya 11 Novèmber 2014 dipunpawartosaken bilih Sony Pictures Worldwide numbas hak pangeduman kagem para pamirsa ing sajawinipun Amérika Sarékat.[8] Ing surya 23 Juni 2015 ugi kawartosaken bilih Amazon Studios sampun numbas hak pangeduman kanthi regi $4 yuta, kacathet miangka filem kapisan ingkang dipuntumbas. Bleecker Street badhé mbabar filem punika sesarengan ing gedhong bioskop, sadèrèngipun pambabaran ing Amazon.[9] Filem punika pikantuk pangurmatan dipuntepangaken wonten pahargyan Tribeca Film Festival wulan Maret 2016.[10] Lajeng kababar ing Amérika Sarékat surya 22 April 2016, mèngeti 22 taun sédanipun Nixon.[4] Kajawi punika, ugi dipunbabar ing Inggris, surya 29 April 2016.[11]

Rotten Tomatoes nglaporaken bilih 76% pamirsa saèstu remen dhumateng filem punika, adhedasar 130 pratélanipun para jur kritik, ing angka pambiji 6.5/10.[12] Metacritic ngaturi pirsa wonten biji 59 saking 100 adhedhasar pratélanipun 37 jru kritik, ingkang mratandhani bilih filem punika cekap dipunremeni.[13][14][15][16][17]

Ugi pirsani[besut | besut sumber]

Rujukan[besut | besut sumber]

  1. ^ "ELVIS & NIXON (15)". British Board of Film Classification. March 22, 2016. Dijupuk March 22, 2016. 
  2. ^ "ELVIS & NIXON Analysis". DreameGGs Funding Club. Dijupuk September 7, 2016. 
  3. ^ "Elvis & Nixon (2016)". Box Office Mojo. Dijupuk September 7, 2016. 
  4. ^ a b Goldberg, Matt (January 8, 2016). "Elvis & Nixon’ Trailer Has Michael Shannon and Kevin Spacey Hiding Guns and Slapping Knuckles". Collider.com. Dijupuk January 8, 2016. 
  5. ^ Yamato, Jen (November 5, 2014). "'Elvis & Nixon' Sets Kevin Spacey & Michael Shannon In Tale Of Historic White House Hangout – AFM". Deadline. Dijupuk January 20, 2015. 
  6. ^ McClintock, Pamela; Ford, Rebecca (February 4, 2015). "Berlin: See Kevin Spacey as Nixon in First 'Elvis & Nixon' Photo (Exclusive)". hollywoodreporter.com. Dijupuk March 4, 2015. 
  7. ^ "Episode 43: Nixon & Nixon". www.soapboxoffice.com. Dijupuk 2017-01-18. 
  8. ^ http://deadline.com/2014/11/elvis-and-nixon-sony-worldwide-distribution-kevin-spacey-michael-shannon-1201281569/
  9. ^ http://deadline.com/2015/06/amazon-bleecker-street-elvis-nixon-kevin-spacey-michael-shannon-1201452480/
  10. ^ Debruge, Peter (2016-03-29). "Tribeca Film Review: ‘Elvis & Nixon’". Variety.com. Dijupuk 2016-04-29. 
  11. ^ Hunter, Craig (January 8, 2016). "First ELVIS & NIXON Poster Teases The Meeting Of The King & The Crook". ScreenRelish.com. Dijupuk January 8, 2016. 
  12. ^ "Elvis & Nixon (2016)". Rotten Tomatoes. Dijupuk May 9, 2016. 
  13. ^ "Elvis & Nixon reviews". Metacritic. Dijupuk April 24, 2016. 
  14. ^ Emma Simmonds. "Elvis & Nixon review: "an entertaining if unenlightening effort"". RadioTimes. Dijupuk 16 June 2016. 
  15. ^ Sara Hemrajani. "Movie Review – Elvis & Nixon (2016)". Flickering Myth. Dijupuk 16 June 2016. 
  16. ^ Jason, Korsner (15 June 2016). "Elvis & Nixon – Competition". Elvis & Nixon - Competition. What's Worth Seeing. 
  17. ^ Nigel M Smith. "Elvis & Nixon review: Michael Shannon resurrects the King". The Guardian. Dijupuk 16 June 2016. 

Pranala njawi[besut | besut sumber]